Čájálmasas deaivvat mii máŋgga iešguđege sámi máinnasgárvvi. Vuosttažettiin, de lea dieđusge Čákkálaggas lea gárvi mii namuhuvvo sámi máidnasiin. Son lea unni ja álás ja sus leat čoavjedievva-ruhta. Son ealla váris ádjagiid lahka. Čákkálaggas leat máŋgga vašálačča geat geahččalit váldit gitta su golleruđaid dihte. Dát leat earet eará Stállu ja Állanguhkosašáddjá. Čájálmasas deaivat maid gárvviid nu mot Luhtak, Ulda jna.. Buot daid ja earáid deaivvat mii dán 35 minuvttasaš čájálmasas, mas lea olu lávlun ja somá, ja veahá issoras. Lea buvttaduvvon ovttasbarggus gaskkal Beaivváža, Stellaris DansTeater ja Sápmi Music.
Čájálmas čájehuvvoi vuohččan 1992, dalle dieđusge ledje muhtin muddui earát seaguhuvvon. Vuosttaščájálmas: 26.4.2010, Guovdageainnus (Sámegiel-veršuvdna). Bistá sullii 35 min.
2010: Sámegielat veršuvdna. Neavttárat Mikkel Gaup, Marie Kvernmo, Halvdan Nedrejord (musihkár). Jođi sis-Finnmárkus, skuvllain ja mánáidgárddiin. Ovttasbargu DKS Finnmark.
2011: Dárogielat veršuvdna. Neavttárat Egil Keskitalo, Gerd Kaisa Vorren, Halvdan Nedrejord (musihkár). Jođi Romssabealde skuvllain, ovttasbarggus Kultur i Troms:ain.
2012: Dárogielat veršuvdna. Neavttárat Mikkel Gaup, Gerd Kaisa Vorren, Halvdan Nedrejord (musihkár). Jođi Finnmárku skuvllain, ovttasbarggus DKS Finnmarkkus.
2013: Dáro-/ruoŧagielat veršuvdna. Neavttárat Egil Keskitalo, Gerd Kaisa Vorren, Halvdan Nedrejord (musihkár). Finái Lulejus, mánáidteáhterfestiválas, giđđat.
Govvejeaddji Aslak Mikal Mienna, krediteren gáibiduvvo preassageavaheamis, eará geavaheamis gáibiduvvo maiddái lohpi teátheris.