Áibbas dievvá Pelle Njoammil álgočájálmas gaskavahkku ovdal skilleduorastaga, dáinna gal lei teáhter dieđusge hui duhtavaš. Muhto go ieš Pelle Njoammil čálli maid lei doppe ja dása lassin oalát rámidii čájálmasa, ja geahččit ledje duhtavaččat, de Sámi Našunálateáhtera teáhter eahket ii sáhttán šaddat buorebut.

Anja Saiva Bongo Bjørnstad (Pelle Njoammil), Sarakka Gaup, Karen Anne Buljo, Mary Sarre

Pelle Njoammil čájálmas čájehuvvui vuosttaš geardde gaskavahkku ovdal skilleduorastaga. Čájálmas lei áibbas dievvá ja lei álki oaidnit ja gullat ahte geahččit liikoje čájálmasa. Ja nu barggaige maid okta erenoamáš geahčči; Pelle Njoammila eadni ja čálli Karen Anne Buljo. Son duođai lei duhtavaš Sámi Našunálateáhtera Pelle Njoammil čájálmasain, buot osiiguin:  «Lei áibbas erenomáš ja mun duođai liikojin dán. Beaivváš lea dulkon mu Pelle Njoammil muitalusa áibbas njuovžilit.”. Dá govas lea ge čálli lávddis dakka maŋŋel čájálmasa, ovttas neavttáriiguin.

Nubbi beassáščájálmas maid dievvá

Nubbi čájálmas čájehuvvo skilleduorastaga, ja nu mot maid álgočájálmas, de dát maid lea dievvá.  Čálli mielas gal doaimmai čájálmas bures, ea. ea. deattuhii son dan mot čájálmasas nu bures ledje “bárgidan” muitalusa boares ja ođđa áiggi. Biktasiid liikui maid bures, lávdemuitalusa ulddaid ledje nu vuohkkasit gárvoduvvon ruoná gávttiiguin, dá govas vuolábeale. Vuolabeale maid govva dakka maŋŋel čájálmasa.

Čájálmas čájehuvvo Guovdageainnus vel 6.5. ja das maŋŋel de dolle čájálmas mátkái Sámis. Dás oainnát gos čájehuvvo ja das muitaluvvo maid eanet čájálmasa birra.