Dovddus neavttár Bjørn Sundquist doarju (dá olgešbealde Beaivváš čájálmasas “1852”, 2009is, govven M. A. Evanger), nu maid Mari Boine (duo vuolábealde Beaivváš čájálmasas “Luohti gomuvuođa salas” 1988is, govven O. Røe), girječálli Mikael Niemi, Norgga Riksteater hoavda Ellen Horn, nubbe dovddus norgga neavttár Nils Ole Oftebro ja 55 eará kulturbargit ja -berošteaddjit, sihke Sámis, Norggas, Suomas ja Ruoŧas.
Maid sii dorjot? Na, jurdaga ahte Beaivváš Sámi Našunálateáhter galgá oažžut ođđa teáhtervisti, daid sániid bokte:
1899is oaččui Norga iežas čáppa teáhtervisti mii lea Karl Johanis. Nationaltheatret lea illudan min, bohkosattan min, váivvidan, beahttán, dovddastan ja rámiidan min ja addán midjiide identitehta 114 jagi juo. Dan maŋŋel leat huksen kultur-Norgga julggiid ala, áiggiid čađa. Dál lea ges áigi huksegoahtit Norgga nuppi našunálateáhtera. Ođđa teáhtervisttiin Beaivváš Sámi Našunálateáhterii, ollašuvvá ođđa ja dehálaš huksemuš kultur-Norgii, mii lea dáidaga symbola Norgga Vuođđolága julggaštussii guovtti álbmoga ovtta stáhtas. Beaivváš lea sámiid jietna davvin. Dat olaha miehtá máilmmi. Mii geat leat čállán dán ávžžuhusa oaivvildit ahte Sámediggi ja dasto Stuoradiggi dán válgga maŋŋel ferte sihkarastit ahte min nubbi našunálateáhter ánssáša albma teáhtervisti Guovdageainnus.
Danne go dat dahká Sámi fámolažžan. Danne go dat riggudatta Norgga.
Dá leat dát 60is geat leat ávžžuhusa duogabealde:
Nils Ole Oftebro, Mari Boine, John Sigurd Kristensen, Ulla Maria Broch, Mikael Niemi, Ellen Horn, Stein Winge, Bjørn Sundquist, Morten Cranner, Stig Henrik Hoff, Ingrid Lorentzen, Hanne Tømta, Hauk Heyerdal, Eirik Stubø, Nils Utsi, Bente Andersen, Steinar Mediaas, Magnhild Mathisen, Roger Ludvigsen, Ánde Somby, Tone Winje, Nina E. Wester, Cecilie A. Mosli, Sven Henriksen, Per Kjerstad, Harry Guttormsen, Siri Broch Johansen, Yngve Sundvor, Klemet Erland Hætta, Per Ananiassen, Elle Sofe Henriksen, Sara Margrethe Oskal, Anitta Suikkari, Øyvind Rimbereid, Inga Juuso, Kenneth Ekornes, Wimme Saari, Kristin Holand, Harry Guttormsen, Leammuid Biret Rávdná, Veronica Salinas, Elisabeth Heilmann Blind, Laila Stien, Klemet Erland Hætta, Marte Fjellheim Sarre, Minna Mannelqvist, Janne Langaas, John Gustavsen, Ingá Márjá Sarre, Bergsveinn Birgisson, Kristin R. Solberg, Frank Jørstad, Cecilia Persson, Ola Stinnerbom, MetteBrantzeg, Erik Annar Evensen, Fredrik Gille, Berit Marit Hætta, Ada Einmo Jürgensen, Gerdur Kristny
Loga/gula maid daid áššiid:
Goas ceggejit ođđa visti? NRK Sápmi, 30.8.2013
En skam for det samiske folk, NRK Sápmi, 29.8.2013 (dušše dárogillii)
Må være galt med dialogen. NRK Sápmi, 29.8.2013 (dušše dárogillii)