Sámi Našunálateáhtera juovlaleaikkastallamat rávisolbmuide dán jagi lea “Dievddut” komediija. Bihttá ii leat iešalddis earágo mikrokosmos árbevirolaš bearaš-juovlaávvudeamis: moattes fertejit soaittáhagas liigudit iežaset astoáiggi ovttastallamii, vuordevaš juovlailludeamis.
Mii dáhpáhuvvo go golbma dievdoolbmo, geain lea iešguđetlágan eallinduogáš, lássejuvvojit stuoragávppi hivssegii ja šaddet doppe leahkit juovlabasiid? Movt sii galggaše ávvudit juovllaid stuoragávppi hivssegis? Mii dáhpáhuvvo go šaddet juogadit juovlaherskuid, ja go šaddá albma borranmiella?
Dá lea oassi almmustusain dán vilššas komediijas, sin imašlaš dilálašvuođaid siste. Mii sávvat dáinna čájálmasain illudit, muhto maiddái ahte don válddat áiggi veaháš smiehtastit min juovlaráfi áigge.
Komediija= Dráma mas lea ulbmil illudit gehččiid, dahje beassat reaškkihit.
- Čálli: Jan Ericsson
- Bagadalli: Rolf Degerlund
- Lávdehábmejeaddji: Teáhtera teknihkalaš veahka/Teatrets tekniske stab
- Neavttárat: Nils Henrik Buljo, Egil Keskitalo, Iŋgor Ántte Áilu Gaup
Prográmma (juovlakoartá hámis)
Áššit ruovttusiiddus ráhkaduvvn Dievddut čájálmasa birra, árvvoštallamat
- 07.11.16 Dievddut guoimmuhit hivssegis
- 25.11.16 Áigá juo gárvánan
- 21.12.16 Viimmat juovllat dievdduide
- Ságat árvvoštallan
- Altaposten árvvoštallan
Vuosttaščájálmas: 25.11.2016. Čájálmas bistá sulli 60 min. Čájálmas lea sámegillii, ii tekstejuvvo. Reaškkas han guhkida eallima! Bures boahtin ja buorit juovllat!
Preassagovat
Govven: Aslak Mikal Mienna, krediteren gáibiduvvon geavaheamis.
