Sámi našunálateáhter Beaivváš lávke ođđa jahkái guvttiin vuosttaščájálmasain. Vuosttaš vuosttaščájálmas lea loahpas ođđajagimánu ja nubbi fas guovvamánus. Dán nuppis ii leat dušše vuosttaščájálmas, muhto álgočájálmas.

Bohtos dal dat beana Máid Sárá čiegada montasje

Sámi našunálateáhter Beaivvážis lea doaimmalaš álgu jagis, guokte čájálmasa leat dal buvttadusas, ja galgába guktui čájehuvvot vuosttaš geardde dál árrat jagis. Dása lassin lea nuppis álgočájálmas, dát mearkkaša ahte ii leat goassege ovdal čájehuvvon lávddis, ii goste ge.

Vuosttaščájálmas ja álgočájálmas

Vuosttaš mii lea geahččamis lea čájálmas Bohtos dál dat beana, dás lea vuosttaščájálmas ođđajagimánu 27. B.. Čájálmas maid máilmmi dovddus dramatihkkár ja norgalaš Jon Fosse lea čállán muhtin jagi dás ovdal, lea gal leamaš ovdal teáhterlávddis, vuosttaš geardde álgočájálmassan jagi 2013, dalle go Nord-Trøndelag teáhter buvttadii ja čájehii dan. Ja dal fas Beaivváža lávddis, sámegillii.

Nubbi mii maid čájehuvvo fargga Sámi našunálateáhtera lávddis lea fas Máid Sárá čiegada, das ii leat dušše vuosttaščájálmas, muhto álgočájálmas. Buvttadeapmi álgá maid dal árrat jagis, ja de galgá leahkit válmmas ja vuosttaš geardde obanassiige teáhterlávddis, guovvamánu 24. B.. Nu mot Bohtos dál dat beana, de čájehuvvo dát čájálmas maid vuosttaš geardde Guovdageainnus. Lea Kathrine Nedrejord gii leat čállán dan, dahje, vuolggasadji lea su girji, seamma namas, dárogillii lea girjji  namma Det Sara skjuler.

Leamáš Beaivvážis ovdal

Guktui Jon Fosse ja Kathrine Nedrejord:a čállosat leat ovdal geavvan teáhterin Beaivváža lávddis. Jon Fosse čájálmasaiguin Dálvi ja Soames lea boahtimen, ja Nedrejord fas čájálmasain Human zoo.

Dá lea Bohtos dál dat beana

Dál lea Máid Sárá čiegada