Beaivváš Sámi Našunálateáhter lea dal vuohččan ožžon saji Bearaš – ja kulturkomitea Stádabušeahta rabas gulaskuddamii. Odne (21.10.2019) beasaiga stivrajođiheaddji Lene Hansen ja teáhterhoavda Rolf Degerlund muitalit sidjiide ođđa teáhtervisti dárbbuid birra.

Rolf Degerlund, Bearaš- ja kulturkomitea

Eallit dahje ii eallit, lea jearaldat. Dál lea hui dehálaš ahte Stuoradiggi ražasta dahkat loahpalaš mearrádusa reviderejuvvon stádabušeahtas 2020 giđa. Dát leat vuordán nohka“, lohka teáhterhoavda Rolf Degerlund.

Teáhtera váldoákkastallan lei ahte dás livččii ihána vejolašvuohta Stuoradiggeáirasiidda ovttas dahkat historjjálaš mearrádusa mii čohkke kulturnašuvnna Norgga. “Dát galgá leat boahtteáiggi visti, Sámi nuoraide. Sii galget rámiin beassat loaiddastit magihkalaš vistái“, dadjá Degerlund. Son meroštallá ahte visti galgá gárvvis juo 2024’s, muhto de berre loahpalaš mearrádus leat juo 2020’s.

Stivrajođiheaddji Lene Hansen lea hui duhtavaš go teáhter vuohččan lea beassan gulaskuddamii: “Dađistaga leat mii gulahallagoahtán buorebut eisseválddiiguin, ja dovdu lea hui buorre. Sii vuhtiiváldet min ákkastallama, ja Statsbygg lea bargan vuđolaš barggu dán ovttas huksema čielggadeamis Sámi joatkka- ja Boazodoalloskuvllain,  geaiguin mis maid lea hui buorre ovttasbargu. Dál dárbbašit dušše politihkkáriin veahki vai huksen ollašuvašii“, loahpaha Hansen.

Rolf Degerlund, Lene Hansen