Stáinnak čájálmas lea politihkalaš teáhter mii ii čájehuvvo šat nu dávjá dán áigge, logai bagadalli Victoria Kahn. Son geavaha somás vuogi iežas bagadallamis nu go Gerbmena, Roahttopolitiija ja Gollegoppáža. Gieddegašáhkku lea ges ovddolaš ja balddehahtti. Alit ja Rukses ulddanieiddaža guovttos ges loaiddasteaba nuppe ládje iežaska eatnanvuolaš gehppes dánsenvugiin, mii gártá áibbas nuppe ládje go eatnanlaččat leat.
Sála lei spagga dievva sihke skuvlačájálmasas duorastaga ja vuosttaščájálmasas bearjadaga. Mánát čuvvo dárkilit mielde ja illudedje rávisolbmuiguin. Geahččit ledje duhtavaččat go Beaivváš lei buvttadan dákkár somás bearaščájálmasa.
Govas leaba bihtá čálli Marry Áillonieida Somby ja bagadalli Victoria Kahn maŋŋel go vuosttaščájálmas lei čájehuvvon.
Alit ja Rukses ulddanieiddaža guovttos, Leammuid Biret Rávdná ja Sarakka Gaup deaddeleigga ovttatmano njunit oktii go geahččit liikojedje nu bures čájálmassii.
Čálli Marry Áilonieida Somby oačču liđiid Teáterhoavda Haukur J. gunnarsonas. Duogábealde gurutbealde Victoria Kahn, Henriette Lille, Sara Kander, Bernt Morten Bongo, Egil Keskitalo, Sarakka Gaup, Svein Birger Olsen, Leammuid Biret Rávdná, Áilloš, Mary Sarre ja Gerlinde Thiessen.