Juohke jagi geige Sámi našunálateáhtera ruovttubáiki suohkan, Guovdageainnu suohkan, kulturbálkkašumi ja dán jagi vuoiti lea teáhtera neavttár Egil Keskitalo. Bálkkašupmi geigejuvvui lávus sámi álbmotbeaivve.

Egil Keskitalo, Narukami, 1991 (lav kvalitet, skann fra program). Govven/foto Harry Johansen

Juohke jagi geige Sámi našunálateáhtera ruovttubáiki suohkan, Guovdageainnu suohkan, kulturbálkkašumi. Dán jagi vuoiti lea teáhtera máŋgga jagiid badjel neavttár, Egil Keskitalo. Bálkkašupmi geigejuvvui lávus sámi álbmotbeaivve, dás video vuolábealde čájeha dan, go várresátnejođiheaddji Isak Ole Hætta geige bálkkašumi suohkana bealis (deaddil video, ja de vuolgá rievttes sajis).

Egil lea neaktán teáhteris 1991 rájes, dalle lei neavttár/muitaleaddji Narukami nammasaš bihtás. Son lea musihkkárin jo leamaš teáhteris 80-logu rájes. Son lea dal okta dain njealji bistevaš neavttárin Sámi našunálateáhteris, Beaivvážis. Boahtte háve go oaidnit su neaktime Beaivváš čájálmasa lea Guovžža vuoššat čájálmasa, njukčamánu 5. B. rájes.

Su dalá bargoaddi, Beaivváš, lea maid Guovdageainnu suohkana kulturbálkkašumi vuoiti, 1993 geigejuvvui teáhter dán bálkkašumi. Ja su áhčči Lauri Keskitalo (1914-1989) maid lea bálkkašupmevuoiti, dát vuosttaš guhte oaččui bálkkašumi obanassiige, 1986.

Dá Egil muhtin čájálmasain, 90-logu rájes.