Čáŋa sisa elliid luohte-gollegiisái

De beasat gullat iešguđetlágaš elliid luđiid, ja soaittát maid oahppat moadde luođi maid vurket iežat váibmui, vai beasat juoiggastit daid jus áicat daid meahcis dahje elliidgárddis. Ii mihkkege leat nu somá go iežas luođi gullat! Don beasat juoiggastit sihke Guovžža ja Čuoika ja oaidnit mot soai movttáskeaba.

Čájálmasbottožis, mii bistá 25 min, muitala Ingá Márjá Sarre muitalusaid juoiggadettiin árbevirolaš luđiid. Heive mánáide. Čájálmasbottoš čahkkeha oktanaga eanemusat 25 máná ja sáhttá čájehuvvo “vaikko gos”. Čájálmasgiela sáhttá válljet, sáme- dahje dárogiella.

Preassagovat

Govvejeaddji Aslak Mikal Mienna, krediteren gáibiduvvo geaveheamis.