Diibmá čájehuvvui luohte-/muitalan čájálmas Elliid luođit vuosttaš geardde ja jođige maid de muhtin muddui Sámis. Dal fas čájehuvvo muhtin báikkiin Sámis moadde vahkku.

Inga_Marja_Sarre_3000_300dpi_foto_AMMIenna

Ingá Márjá Sarre

Luohte- ja muitalančájálmas Elliid luođit, maid neavttár ja juoigi Ingá Márjá Sarre čájeha , čájehuvvui diibmá vuosttaš geardde. Sarre jođii de máŋggaid skuvllaid gaskkas Tromssa fylkkas, čájehii  čájálmasa badjel 500 mánáide.

Dal lea teáhter fas roggan sihke čájálmasa mas eallit luođit leat vuođđu ja Ingá Márjá Sarre,  go lea fas áigi čájehit. Ja maid johttit; čájálmas čájehuvvo álggus mánáide mánáidgárddiin Guovdageainnu ja Mázes ovdal go finada suomabeale sámis, Soađegilis, Vuohčus ja Ohcejogas (Soaitá maid bisánit Gáregasnjárggas). Čájehuvvo dáppe áigodagas 20.5. ja olggos miessemánu.

Dá lea dieđu Elliid luođit birra.