Muitaluvvo sámiid vuostálastin Guovdageainnu-Álttájoga buođđudeami Finnmárkkus, Norggas. Dat lea deháleamos dáhpáhus Sámis ođđa áiggis. Ii oktage ovttaskas dáhpáhus leat čuohcan Sápmái nu garrasit. Riidu dagahii stuora váikkuhusaid maiddái stuoraservvodagas.

Čájálmas lea doku-drámá Áltá akšuvnna birra 1979 – 1982. Golbma olbmo geat oassálaste Álttá akšuvnnas, muitalit iežaset dáhpáhusaid birra dán bihtás geaid mii leat jearahallan dego vihttánin, ja geahččit besset gullat golbma sámi oaidninsaji dán historjjás. Golbma váldodáhpáhusa leat: Nealgudeapmi Oslos 1979:s, Politiijaveahka Savvonis 1981:s, Fállejogašalddi bávkaleapmi 1982:s

Čájálmas ovdanbuktojuvvo dialoga, monologa, lávlun, rap, luđiid, hip hop ja dánssa vugiid mielde, ja sisdoallá maid dokumentáralaš ja historjjálaš/dáiddalaš osiid.

Čálli ja Bagadalli/Forfatter og Instruktør: Mette Brantzeg.
Neavttárat: Mary Sarre, Marte Fjellheim Sarre, Nils Henrik Buljo, Iŋgor Ántte Áilu Gaup, Egil Keskitalo, Emil Karlsen

Álgočájálmas 4.2.2022, Alta/Álttás
Lávdegiella/Scenespråk: Davvisámegiella. Tekstejuvvo dárogillii (suomagillii Suomabeale). Heive nuoraide (13+) ja rávesolbmuide.

Ellos eatnu, nullpunkt