Suodjalusministtar ja olgešbellodat politihkkár finadii otne 8.9. teáhteris ja muitalii ahte ráđđehus dal evttoha 521 miljovnna ruvnno hukset teáhter- ja joatkkaskuvllavisti.

Ellen Inga O. Hætta, Trine Noodt, Frank Bakke Jensen

Suodjalusministtar ja olgešbellodat politihkar Frank Bakke Jensen finadii teáhtera guossis gaskavahkku 8.9. ja mielde lei sus mearehis buorre ođas, son sáhtii muitalit ahte ráđđehus dal evttoha 2022 stádabušeahta bokte, 521 miljovnna ruvnno ođđa teáhter- ja skuvlavistai, gosa Sámi našunálateáhter ja Sámi joatkkaskuvla galgába ovttasvistiduvvot, Guovdageainnus.

60 miljovnna lea álgoruhta dán huksenprošektii ja das maŋŋel evttohuvvo prošektii 461 miljovnna sturrosaš golurámma.

Dá govat preassačoahkkimis gaskavahkku 8.9.21 Guovdageainnu kulturviesus, gos Bakke Jensen ja eará guossit maiddái besse gullat makkár teáhterčájálmasa teáhtera dál lea buvttadeamen, namalassii Guovssahasa hálddus bearaščájálmas. Die vuolabeale maid govva/tevdnet, mii galggašii čájehit makkár ođđa visti galggašii šaddat.