Lea bálkkašuvvon bivttashábmejeaddji Berit Marit Hætta gii hábme biktasiid. 7 iešguđege karaktera galget gárvvohuvvot, ja dát dahpahuvvo Hætta jođiheami bokte. Son lea leamaš Beaivvážis máŋgga geardde ovdal, vuosttaš geardde Gumpegoddi čájálmasa oktavuođas 1993. 2000 gudnejahttui son Hedda-bálkkašumiin buoremus bivttashámi barggu ovddas, Beaivváš čájálmasas Vølunds muitalus.
Dá olgešbealde oidno váldokaraktera Allaq bivttasevttohus, karaktera maid Ingá Márjá Sarre neaktá. Deaddil gova oainnat dárkileappo. Deaddil dakko jus háliidat stuorit veršuvnna das.
Ja jus dal dát ii lea doarvái ”mihtilmas Beaivváš”, positiivalaččat, de lea nu ahte lávdemuitalus maid lea dovdomearkkalaččat Beaivváš máilmmis; cukcasaš ja mystalaš, ja vuolggasadji lea sámi máinnusteapmi. Danin go nu lea sisdoallu Allaq čájálmasas. 3 iešguđege cukcasat leat vuođđun, cukcasat mat bohtet sámi, ruonáeatnan-inuihta ja Alaska-indiána kultuvrras.
Lea lullisápmelaš Cecilia Persson gii lea čállán Allaq – stuorimus ráhkisvuođa niehku ja teáhterhoavda Haukur J. Gunnarsson bagada.
Nu ahte, šaddá romantihka, erotihka, doaivva, riiddut, muhto lihkolaččat, ráhkisvuođa gieđaid gaskka, go Beaivvážis fas lea álgočájálmas, dan háve guovvamánu 26. B. 2010., čájehišgoahtá Allaq.
| Dieđut: Čálli Cecilia Persson Neavttárat: Ingá Márjá Sarre, Niillas Holmberg, Nils Henrik Buljo, Iŋgor Ántte Áilu Gaup, Egil Keskitalo, Mary Sarre Mátkoštanplána (deaddil vuoi oainnat) Álgočájálmas Guovdageainnus 26.02.2010 |