Norgga árvvoštalliidsearvi, teáhter, musihkka ja dánsun ossodat, geigii Beaivváš Sámi Našunálateáhtera ja teáhterčájálmasa Vidas Extremas 2015-2016 árvvoštalliid bálkkašumi čakčamánu 29. B. 2016.
Dal lea almmuhuvvon ahte Beaivváš Sámi Našunálateáhter geigejuvvo Norgga árvvoštalliidsearvvi árvvoštalliid bálkkašumi Vidas Extremas čájálmasa ovddas. Dát dahpahuvvui Litteraturhuset:is, Oslo, čakčamánu 29. B. 2016.. Bálkkašumis lea stuora árvu Norgga teáhterbirrasis. Teáhterhoavda Rolf Degerlund ja neavttár guoktá Iŋgor Ántte Áilu Gaup ja Mary Sarre, geat leaba neavttárat teáhteris bistevažžan ja leigga maid neavttárat namuhuvvon čájálmasas, ovddastedje teáhtera Oslos go bálkkašupmi geigejuvvui. Buohkat illudedje stuorrát dán ovddas. Dát lea fas okta duođaštus dasa ahte dan maid teáhter buvttada doallá alla dási.
Beaivváš oaččui ovdal dán jagi Norgga stuorámus teáhterbálkkašumi, Heddabálkkašumi, maiddái Vidas Extremas čájálmasa ovddas.
Dá ovdalaš ášši teáhtera neahttasiidduin.
Dás čilgejuvvo manin teáhter geigejuvvui árvvoštalliidbálkkašumi (Árvvoštalliidsearvvi neahttasiidu, dárogillii).