1984is báddii NRK Beaivváža/Hålogalandda teáhtera bearaščájálmasa Gánda ja golleloddi. Lea oaidnimis neahtás.
Gonagasa bálvváguovttos Silbur ja Gollur almmuheaba álbmogii ahte Stállu lea dolvon gonagasa nieidda. Gánda gullá dán ja háliida gádjut nieidda. Mátkis deaivá son áhku ja beatnaga, áhkku oahpaha Gándii luođi mii geasuha gollelotti, ja mii čájeha luotta báktái gos gonagasnieida lea. Viidáset mátkis deaivá Gánda maŋga hehttehusa, muhto maiddai buriid vehkiid mat veahkehit Gándda beassat bávtti sisa. Muhto nagoda go son beassat dan áibbas maŋemus hehttehusa meaddel; namalassii guokte stálu?
Gánda ja golleloddi lea okta Hålogalandda Teáhtera bihtain 1970-loguin man teáhterjoavku Beaivváš buvttadii sámegillii 1984s. Bihtá čálli lea Nils Utsi, Tone Danielsen ja Sigmund Sæverud ja Nils Utsi lea jorgalan muitalusa sámegillii. Nils Gaup lei bihtá bagadallii ja dát lei ge su vuosttaš bagadallanbargu.
Dás lea čájálmas oaidnimis NRK siidduin.
- Neavttárat: Ann-Jorid Henriksen, Iŋgor Ántte Áilu Gaup, Ámmun Johnskareng, Sverre Porsanger
- Heiveheaddji ja bagadalli: Nils Gaup
- Lávdehábmejeaddji: Aage Gaup
- Biktasat: Rose Marie Huvva
- Hámat: Signe Krogh Larsen
- Čuovgahábmejeaddji: Kurt Hermansen
- Musihkka: Egil Keskitalo, Josef Halse, Ámmun Johnskareng, Sverre Kjeldsberg, Ann-Jorid Henriksen. Iŋgor Ántte Áilu Gaup
Vuosttaščájálmas sámegillii: 05.10.84
Ganda ja golleloddi plakatbilde