Muohtaoabbá čájálmas lea vuosttaščájálmasa Romssas. Doppe čájehuvvojit golbma čájálmasa, ja buot golbma čájálmas leat dievvan. Ja dal leat ge maid fargga Muohtaoabbá neavttárat ja veahka gergosat čájehit dán “magihkkálaš bearaščájálmasa”.
Bearaščájálmas Muohtaoabbá vuolgá dal fargga čájálmasmátkái, vuosttaš čájálmasat leat Romssas. Dohko dáidet sihke neavttárat ja čájálmasmátkke veahka buriin mielain dollet, go doppe vurdet golbma čájálmasa mat buohkat leat dievvá. Guokte dáin leat guhka jo leamaš dievva, dal lea goalmmadii maid vuvdon buot bileahtat.
Maŋŋel Romssa čájálmasaid, mat čájehuvvojit Hålogaland Teáhtera visttis 17., 18. Ja 19.11., johtá čájálmas eará báikkiin Troms bealde, nu mot Olmmáivággái, Beardogoržái, Skániin, ja de finada maid Ruoŧa bealde Johkamohkis. Das maŋŋel Finnmárkkus namalassii Leavnnjas, Kárášjogas, Sirpmás, Girkonjárggas, Vuonnabađas ja Deanus. Finada maid suomabeale sámis, Anáris. Ja de máhccá fas teáhtera ruovttubáikái, Guovdageidnui, gos de loahpahuvvo guvttiin čájálmasain juovlamánu gaskkamuttus.
Dáppe oainnat gos ja goas, ja mii bat dát dal lea mii fargga čájehuvvo. Dáppe gávnnat bileahtaid vuovdemassii.
