Skaut (liidni) lea gelddolaš ovttasbargobuvttadus mas Sámi nasunálateáhter searvá ja dal guovvamánu  28. beaivvi lea álgočájálmas Bæruma kulturviesus. Maŋŋel álgočájálmasa dolle davás ea. ea. lea oassin Borealis dálvefestiválas Álttás.

Čájálmasas, mii lea ovttasbargu gaskkal Frikar, Sámi Našunálateáhtera ja Bærum kulturviesu, lea álgočájálmas guovvamánu  28. beaivvi Bæruma kulturviesus. Dan maŋŋel dolle SKAUT davás ja Borealis dálvefestiválii Áltái, gos čájehuvvo muohtalávddis njukčamánu 6. beaivvi. Viidáset čájehuvvo Hámmarfeasttas, njukčamánu 10.b. ja Svolværas njukčamánu 13. beaivvi.

Nissonolbmot!

Lea vuosttašgeardde ahte FRIKAR čájeha dánsenčájálmasa mas dušše nissonolbmot leat mielde. Ja juste dán čájálmasas leage nissonrolla norgga álbmotdánsemis mii lea guovddážis.

Mii sáhttá nissonolmmoš leahkit? Lea go otná servodagas juoga maid son ii máhte dehe sáhte leat? Gávdno go nissonlaš ja olmmáivuođa dánsun ja mii dáhpáhuvvá norgga álbmotdánssa sohkabealrollain go nissonolmmoš 2020’s beassá neaktit goappaš rollaid ja maiddái daid árjjaleamos “olmmáivuođabihtáid”?

Norggas lea oaiveliidni geavahuvvon sihke dárkkisteapmái ja friddjavuođa ohcamii. Sáhttá go norgga árbevirolaš bivttas- ja lihkasteamit buktit ođđa oainnu dán áigahaš hijab geavaheapmái?

Frikar ja Hallgrim Hansegård

Koreográfa Hallgrim Hansegård ja vihtta nissondánsejeaddji leat ráhkadan dánsenčájálmasa mas fáddán lea bearráigeahččan, ja gárvodeami ja goruda dárkkisteapmi. Nissonolbmot sihke čavgejit ja šlivgasaddet vuovttaiguin čávgadis dánáigásaš dánssain ja vilda álbmotdánssain. Sámi našunálateáhter lea ovdal maid ovttasbargan buvttadusain Frikar dánsejoavkkuin

Dá lea SKAUT (Liidni)