Ellos eatnu čájehuvvui vuohččan álggogeahčen guovvamánus ja dan rájes lea čájálmas johtán badjelaš guokte mánu. Dal lea maŋemus čájálmas čájehuvvon, dát dáhpáhuvai Guovdageainnus beassážiid, dievvá čájálmasain skilleduorastaga. Čájálmasas ledje gal veahá koronaváttisvuođat sihke čájálmasmátki álgogeažis ja gasku, muhto oppalaččat lea lihkostuvvan bures.
Ellos eatnu čájehuvvui vuohččan Romssas guovvamánu 8. B., ja dan rájes lea johtán gitta de bisánii Guovdageainnus beassážiid ja na de ráddjejuvvo eret dán hávvái. Álgočájálmas galggai jo leahkit guovvamánu 4. B. Álttás, muhto šluhttejuvvui koronabuozalmasvuođa geažil. Plána lei maid ahte galggai čájehuvvot Hammerfeastas Sámi álbmotbeaivve, muhto das ii ge šaddan mihkkege seamma bahákas buozalmasvuođa sivas ja na de maŋiduvvuige vuosttaš čájálmas, álgočájálmas, Romsii. Eai ge plánejuvvon čájálmasat Lulejus ja Roavvenjárggas šállošahtti čájehuvvon, namuhuvvon váttuid sivas. Čájálmas lea čájehuvvon sihke rabas čájálmassan ja skuvlačájálmassan, oktiibuot 34 háve.
Čájálmasain duoppil ja dáppil leat leamaš olu geahččit oppalaččat, de lei ge maid hui lunddolaš ahte maŋemus čájálmas obanassiige, mii čájehuvvui Guovdageainnus beassážiid, skilleduorastaga, lei áibbas dievvá. Buot bileahtat ledje ge maid vuvdon álgočájálmassii, mii čájehuvvui Hålogaland teáhtera stuorimus čájálmaslanjas, Scene vest, dalle guovvamánu.
Dáppe leat dieđut dan birra mii dal ii leat šat. Ellos eatnu!
