Spagga dievva visti, reaškkas ja buorre mokta go Giđđadulvi VII revyčájálmasa čájehuvvui vuosttaš geardde.
Spagga dievva visti, reaškkas ja buorre mokta – nie sáhttá čoahkkáigeassit go Sámi Našunálateáhtera revyčájálmas Giđđadulvi VII čájehuvvui vuosttaš geardde cuoŋománu 27. b. Alfreds Kro:as, Guovdageainnus. Ii lean váttis ipmirdit ahte álgočájálmasa guossit liikoje maid sii oidne ja gulle, go neavttárat Mary Sarre, Anja Saiva Bongo Bjørnstad, Egil Keskitalo ja Ingá Márjá Sarre, ovttas musihkkárin Roger Ludvigsenin, nekte, lávlo ja čuojahedje, JA guoimmuhedje, dán badjelaš diimmu guhkes somás revyčájálmasas (revya lea guovtti oasis, bistá oktan bottuin sullii beannot diimmu).
Revyčájálmasa čálli Knut Nærum lei maid boahtán geahččat bohtosa iežas teavsttain, boađus mainna son mieđiha leame hui duhtavaš. Govaiguin vuolábealde oaidnit su ovttas ea. ea. neavttáriiguin ja teáhterhoavddain (govvejeaddji Aslak Mikal Mienna) ja vel okta filmmaš mii čájeha dili njuolga maŋŋel álgočájálmasa.
Čájálmasa mátkeplánat ja bileahttaoastin čujuhusat.
