De viimmat beassat fas bovdet gehččiid teáhterii, ja mánnodaga čakčamánu 14. beaivvi bohtet ge vuosttaš geahččid min ođđa mánáidčájálmassii: Guollelihkku.

Eila Ballovara Varsi, Marte Fjellheim Sarre (Govven: Aslak Mikal Mienna)

Guollelihkku lea guliid máinnas ja ođđa ustitvuođa áican. Čájálmasas vuolgit máinnastan mátkkosteapmái Májjá ja su magihkalaš piáno mielde. Lea Marte Fjellheim Sarre gii lea čállán máidnasa ja ovttas Eila Ballovara Varsi:n ovdanbuktiba Guollelihkku-máidnasa, ja soai sihke máinnasteaba, lávluba ja dánsuba. Maŋŋel čájálmasaid Guovdageainnus vuolgá Guollelihkku čájálmasmátkái, ja fináda sihke mánáidgárddiin, skuvllain ja giellaguovddážiin. Ja dát čájálmas lea okta dain unna mánáidčájálmasažiin maid mánáidgárddit, skuvllat, giellaguovddážat jna. sáhttet diŋgot teáhteris.

  • Čálli & Musihkka: Marte Fjellheim Sarre
  • Bagadalli: Rolf Degerlund
  • Jorgalan samegillii: Britt-Inga Vars
  • Jorgalan lávlagiid sámegillii: Rawdna Carita Eira
  • Neavttárat: Marte Fjellheim Sarre, Eila Ballovara Varsi
  • Lávdehábmen:  Ole Thomas Nilut
  • Bivttasteaddji: Hilly Sarre

Álgočájálmas/Urpremiere: 14.09.20 Guovdageainnu kulturviesus.