Biilamátki mii nuppástuhttá buot
Ánne ja Piera guvttiin ustibiin Pieras, vuoddjájit biillain Deanus Osloi. Lea njalkkas siivu, ja Heahtás – Eanodagas – vudjet nuorat boasttu guvlui, ja muhtin ávdin guovllus vudjet badjel luotta. Nuorat besset ijastallat muhtin boares bára, Elle-Siina ja Jorma luhtte, dan botta go veahki vurdet. Dasttá rievdá sin eallin oalát, ja dološ vajálduvvon ja eret duvdojuvvon fearán ilbmá.
Ođđačállojuvvon čáffas ja somás teáhterbihttá mii guoskkaha sámi, dáru ja suoma gaskavuođaid ođđa ja imaštahtti ládje.
- Čálli: Siri Broch Johansen
- Bagadalli: Mette Brantzeg
- Lávde-/bivttashábmen: Erik Annar Evensen
- Čuovgahábmen: Morten Reinan
- Neavttárat: Áilloš, Anitta Suikkari, Ingá Márjá Sarre, Ánte Siri, Niillas Holmberg, Espen Østman.
Čájálmasa prográmma (sáme-, dáro- ja suomagillii)
Eanet dieđut, ea. ea. čájálmasráidu (vaskeseddel) dahje dát.
Čájálmas bistá sullii 75 min. Fuom! Čájálmas simulantekstejuvvo sámegillii/suomagillii/dárogillii.
Áššit čállon beaivvas.no siiddus čájálmasa birra
20.06.2014 Siri dollii boasttu guvlui Heahtas
02.10.2014 Sámevašuheaddji Beaivvážis
02.10.2014 Ja dal vuolgit Gurut guvlui Heahtás
Pressagovat
Govat leat oažžumis prentenkvalitehtas, deaddil gova, govva de ihttá stuoribut hámis, deaddil sáhpána olgeš boalu ja vállje de viežžat/vurket gova báikkálaččat. Jus govva geavahuvvo, de galgá govvejeaddji Hans Olof Utsi krediterejuvvot.
