Teáhter ohca ođđa teáhterhoavdda, muhto ohca maid soapmasa gii sáhttá jođihit teáhterbivttasossodaga. Ohcanáigemearri lea skábmamánu 20. b. 2022. Bures boahtin ohcat dán virggi.
Sámi našunálateáhter Beaivváš bivttashábmen ossodaga jođiheaddji lea guovddážis teáhteris ja bivttashábmen ossodagas ja lea njuolga oktavuohta dáiddalaš veagain. Ossodagas lea okta bissovaš virgi, dasa lassin mii bálkáhit bivttashábmejeddjiid ja goarrunvehkiid riikkaidgaskasaččat min buvttadusaide.
Ossodagas lea fágalaš bivttashábmen buvttadeami ovddasvástádus visot teáhtera buvttadusaide. Dán virggis beassá mielde fágalaš suorggi ovdáneamis, dasa lassin vel ossodaga gullevaš dávviriid oastimiidda, bušeahta ja maiddái geatnegasvuohta sihkarvuođa ja bargobirrasii.
Virggis lea viiddis fágalaš mearrádusdoaibma mii guoská oktiiheiveheami ovddasvástádussii ja bivttashábmejeddjiid čuovvuleapmái, goarruid- ja buvttadusmielbargiide mat leat min iešguđetlágaš buvttadusain. Buvttadusáigodagaid oktavuođas gullá maid virgái veahkehit bivttashábmen bargguiguin.
Virggis lea ovddasvástádus teáhtera biktasiidda ja dávvirvuorkái, mii guoská organiseremii ja dokumentašuvdnii. Sámi našunálateáhter lea juste dál hui gelddolaš ovdánahttindásis go fárre áibbas ođđa teáhtervistái 2024 čavčča, ja dasa lassin leat mii dál pláneme ođđaáigásaš bivttas- ja dávvirvuorkká.
Min buvttadeamit lassánit dás duohko, dat mielddisbuktá ahte mis lassánit buvttadusmielbargit dán ossodagas. Dan oktavuođas galgá ossodaga jođiheaddji guovddážis sihke ođđa bargolanjaid plánenbargguin ja bivttas/dávvirvuorkká lanjain, ja dasa lassin leat rekruterema mearrideames ja ođđa dávviriid háhkamis ja oahpahallamis teknihkalaš bargoreaidduiguin ja dihtorvuogádagaiguin mat sihkkarastet ođđaáigásaš doaimma.
Doaibmamušat :
- Beaivválaš jođiheaddji ossodagas
- Jođihit, ovdánahttit ja doarjut buot siskkáldas ja olgguldas bivttashábmen ossodaga bargoveaga
- Beaktilis plánema, organiserema ja resursageavaheami bokte sihkarastit lágideami, mearriduvvon plánaid olis
- Ovddasvástádus ja bearráigeahččat ahte doahttalit buot beliid buvttadusa rámmaid siskobealde kvaliteahttabuktagiidda, ekonomiijai ja dáiddalaš ovdanbuktimii
- Kvaliteahtasihkarastit olggobeal buvttadedjiid bálvaleami- ja máteriálaháhkama
- Láidesteadjin sihkkaris bargobirrásii
- Ovddasvástádus ossodaga duođaštanbargguin
Kvalifikašuvnnat:
- Gáibádus lea relevánta alit oahppu bivttashábmenfágas
- Bivttashábmen bargohárjáneapmi-, buvttadeapmi ja galgá máhttit vadjat
- Buorre dihtormáhttu
- Ovddamužžan teáhtera bivttashábmen buvttadus hárjáneapmi lea ovdamunnin
- Buorit ovttasbargoattaldagat
- Dárkil ja hárjánan doallat mearriduvvon áigemeriid
- Lea ovdamunnin jus ohcci máhttá sámegiela ja duoji.
Mii fállat buriid eavttuid, ja buot buoremus penšun- ja dáhkádusortnegiid. Álgin soahpamuša mielde. Ohcanáigemearri: 20.11.2022. Oktavuođadieđut: Johan Anders Siri, mob: 99759962. Ohcan sáddejuvvo: johan@beaivvas.no
Sámi Našunálateáhter Beaivváš lea ásahuvvon Guovdageidnui. Teáhter lea leamaš juo álgoálggus čájálmasmátketeáhterin Norgga, Ruoŧa ja Suoma-beal sámeguovlluin. Sámegiella lea teáhtera lávdegiellan, teáhtera váldoáigumuša mielde. 2021:s ledje teáhteris 20 jahkedoaimma, mas 16:s leat bistevaš virggiin.