Dal leat eiseválddit eastadan dihte corona-virus leavvama oktavuođas, mearridan ahte doaluin gos čoahkkanit olbmot nu mot omd. teáhterčájálmasain, eai galgga lágiduvvot. Teáhter doahttala eiseválddiid.
Sámi nasunálateáhteris doahttala eiseválddiid, ja II čájet teáhterčájálmasaid das ovddasguvlui ja ii ge beassážiin. Ja ii ge vel ovdal aramusat geasset.
Dát guoskka čájálmasaide dás ovddasguvlui, maiddái plánejuvvon čájálmasat beassážiid. Sii geat leat oastán bileahtaid dáidda čájálmasaide, sihke Olbmot čájálmassii mii lei plánejuvvon čájehuvvot dal njukčamánus čájálmasmátkkis ja muđui čájálmasat beassážiid Guovdageainnus, nu mot Pippi ja maiddái plánejuvovn guossečájálmasat, ožžot máksot ruovttoluotta bileahttaruđa.
Pippi čájálmasmátkkis ii čađahuvvo
Pippi čájálmasmátkki lei plánejuvvon vuolgit maŋŋel beassážiid ja lei plánejuvvon gitta miessemánu 17. B. – dal lea mearriduvvon ahte Pippi čájálmasmátki ja buvttadus bissehuvvo.