Čájálmas maid olbmot duođai leat illudan geahččat, lea čájehuvvon maŋemus geardde, komediija Almmiriika loahpahii mátki Álttás, čájálmas lei áibbas dievvá. Njukčamánu 1. B. rájes leaba Nils-Henrik “Nicko” Buljo ja Ida Løken (dá gurut bealde) ovttas neavttáriiguin Egil Keskitalo, Mary Sarre, Anitta Suikkari ja Áilloš Beaivváža bealis čájehan komediija Almmiriika. Ja mánnodaga cuoŋománu 15. B. čájehuvvo čájálmas maŋemus geardde, dát dahpahuvvui Álttás, dievvá čájálmasain. Ja nu mot ovdal, de rámiduvvui maŋemus čájálmas maiddái, gehččiid bealis. “Na olu ja guhka in leat boagustan guhkes áigái”, “Oba somá ja buorre Beaivváš”, “Oba čeahpes neavttárat”. Nie ja na lea ge gullon singuin geat leat leamaš geahččame čájálmas. Olbmot leat duođai beassan boagustit, reaškkit. Suddu de sidjiide geat eai vel leat šaddán fitnat geahččame dán čájálmasa maid islándalaš Árni Ibsen lea čállán ja maid Frank Jørstad lea bagadan, danin go dal ii šat Almmiriika barta ceggejuvvo. Dahje, das sáhttá oaidnit čájálmasa, mii dábalaččat bistá badjelaš guokte diimmu, 1 min ja 17 sek (lea 10000 % komprimerejuvvon).
Dá leat mis áššit čájálmasa birra čállon min ruovttusiiddus das ovdal:
27-02-2013 Almmiriika govat ja filmmat
05-02-2013 Álggahalli almmálaš komediijain
20-12-2012 Fargga grazy komediija