Ja dal de dollet gurut guvlui Heahtás, čájálmasašoktavuođas, bear. 3.10. rájes, go de lea Siri Broch Johansena bihtás “Gurut guvlui Heahtás”, álgočájálmas dáppe Beaivvážis, Guovdageainnus. Ja go de vel oktii vel čájehuvvo Guovdageainnus sotn. 5. B., de mátkkoštišgoahtá čájálmas ja vuosttaš báiki dán mátkis lea dieđusge Heahttá…
Mátkki vuosttaščájálmas lea Heahtás 7.10.. Maŋŋel dán de finada čájálmas Kárášjogas ja de viidásat nuortas, nuorta-Finnmárkui, finada de dasto suoma- ja ruoŧabeale ja de fas Romssa, Nordlanda ja Dávvi-Trøndelaga fylkkain ovdalgo de loahpaha dán oalle viiddis mátki Oslo, doppe čájehuvvo guktii, Riksscenen:is, 12. Ja 13.11.. Bileahtat lea vuovdemássii ovdalgihtii eanas báikkiide, das oainnat mot ja gos, dasa lassin čilgejuvvo mátki maid dárkileappot.
Govva bajábealde lea okta preassagovva čájálmasas, das oaidnit Espen Østman, Ingá Márjá Sarre, Niillas Holmberg ja Ánte Siri manus rievttes/boasttu guvlui Heahtás, muđui eará govat leat gávdnamis das. Čájálmassii lea ráhkaduvvon sierra prográmma, mas leat olu ábas ja ii-nu-ábas dieđut ja maiddái miellagiddevaš sisdoallu, elektrovnnalaš veršuvdna sáhtát das viežžalit – prográmma lea golmma gillii, sámi-, dáro- ja suomagillii, dát gielat leat ge maid anus lávddis ja maiddá čájálmasa tekstema bokte lávddi bálddas.
Dieđut mat muitalit geat leat duohtandahkan čájálmasa lea oidnosis prográmmas, nu mot dát njealjis mat oidnojit das olgešbeal, bagadalli Mette Brantzeg, čuovgahábmejeaddji Morten Reinan, lávdehábmejeaddji Erik Annar Evensen og videobuvttadeaddji Andreas Ausland, gii ovttasta Kautokeino Film (čájálmasas geavahuvvo olu filbma).
Ovdalaš áššit maid leat almmuhan iežamet siiddus čájálmas guoskevaš áššit:
Sámevášuheaddji Beaivvážis
Gurut guvlui Heahtás
Dá lea čájálmasa blurba.