“Sápmi2017” jietna; geat mii leat, gos mii dál leat, ja gosa leat mannamin?
“Jielemen aavoe” konseartačájálmasas lea jagi “Sápmi2017” jietna, gii hupma. Das leat teavsttat, luođit, dánssa, govat ja musihkka, mii govvida min dáhtu ja návccaid eallit, čoavdit hástalusaid ja movt johtit ovddos guvlui. Čájálmasas ávvudit eallima ja sin geat seilo, muhto seammás lea muitošuokŋa mii gudnejahttá ja muitá sin guđet leat jaskkodan ja jávkkodan. Dat lea min álbmoga váibmoravkin jiekŋaravddas, dollagáttiin ja sihke boares ja ođđa bálgáid mielde. Dat lea min ráhkisvuohta ja gudnejahttin min árktalaš eatnamiidda, gos mii eallit ja min birgenvejolašvuohta lea.
Čájálmas lea ovttasbargobuvttadus gaskkal Beaivváš Sámi Našunálateáhtera ja Kringkastingsorkestret (KORK) ja NRK filbme čájálmasa. Sámi artisttat, musihkkárat, neavttárat, dánsejeaddjit ja dáiddárat oassálastet lávddi alde Kringkastingsorkesterin (KORK), čájálmas bistá 90 min. Mii sávvat buohkaide bures boahtin ávvudit “Sápmi2017” .
Ovttasbarggus: Kringkastingsorkestret, Tråante 2017, Olavshallen ja Stormen Bådådjos. Álgočájálmas 6.2.2017.
Lávdegiella: Lullisámegiella, davvisámegiella ja dárogiella. Tekstejuvvo dárogillii. Álgočájálmas dulkojuvvo maid giehtagillii.
Govvejeaddji Torgrim Halvari, krediteren gáibiduvvo preassageavaheamis, eará geavaheamis gáibiduvvo maiddái lohpi teátheris.