Sámi Našunálateáhtera 2017 bihtá Johan Turi ceggejuvvo fas lávdái, muhto ii fal Sámis. Bihttá vuolgá Frankfurtii, gos čájehuvvo mánu.

Iŋgor Ántte Áilu Gaup, Egil Keskitalo, Ingá Márjá Sarre. Govven/Foto: Johan Mathis Gaup

2017 buvttadii ja čájehii Sámi Našunálateáhter Beaivváš Johan Turi bihtá, dalle čájehuvvui čájálmassan viidát Sámis. De dal teáhter fas ceggesta Johan Turi lávddi geahččan ládje, muhto ii fal Sámis dán háve; Sámi Našunálateáhter lea bovdejuvvon Frankfurtii čájeha čájálmasa, mánu. Duiska-vuosttaščájálmas lea golggotmánu 12. B., das maŋŋel leat bihtás 23 čájálmasa, maŋemus lea skábmamánu 9. B.

In english
auf Deutsch

Ovttasbargu

Frankfurt-čájálmasat čađahuvvojit ovttasbarggus Museum Angewandte Kunst. Dan oktavuođas go Norga lea guosseriika 2019 stuora Frankfurt girjemeassuin, de namuhuvvon musea lea ceggen prošeavtta maid gohčodit “House of Norway” (Norgga viessu), mas fokus lea kulturlonohallan gaskkal Norgga ja Duiska, mas erenoamážit sámi dáidda ja kultuvra lea ožžon erenoamáš beroštumi.

Johan Turi čájálmas

Leaba Harald Gaski ja Gunnar Gjengset geat leaba čállán bihtá, Frank Jørstad lea bagadalli. Neavttárat leat Iŋgor Ántte Áilu Gaup, Ingá Márjá Sarre ja Egil Keskitalo. Dáppe lea eanet dieđut lohkamis. Bures boahtin geahččat Johan Turi, Duiskkas…

Iŋgor Ántte Ailu Gaup. govven/Foto: Johan Mathis Gaup