Media lea dal cealkán iežas duomu, maŋŋel go Beaivváža ođđa čájálmasas lei álgočájálmas čakčamánu 18. b. Ja duopmu lei na, oanehaččat ja oppalaččat: Visuála, čáppa ja gelddolaš hápmi. Ja čáppa musihkka ja jietnagovva. Sofia Jannok lea addán guokte lávlaga čájálmassii. Okta dain lea seamma namma go čájálmasas, namalassii Báru juogadeapmi.

 Sofia Jannok (govvejeaddji: Carl-Johan Utsi)

Dan youtube bihtás gullo oassi namuhuvvon lávlagis, ja das oidnojit maiddái govat maid govvejeaddji Ingun A. Mæhlum lea govven ja animašuvdnafilbma maid ea. ea. Torkel Riise Svenson Sweet Films:as lea ráhkadan.


Govven: Ingun A. Mæhlum

Jus dal galgat jáhkit mediaid árvvoštallamiid (ja dan mii gal berre dahkat), de lea Báru juogadeapmi vuogas čalbmái ja bealljái. Ja neavttárat Ol Johan Gaup, Ingá Márjá Sarre (goappašagat oidnojit govas duo bajábealde), Mary Sarre, Iŋgor Ántte Áilu Gaup ja Egil Keskitalo leat maid rámiduvvon.