Seattle (ea. ea.), čakčamánu 2023

Mary Sarre, Egil Keskitalo, Nils Henrik Buljo, Áilloš

Luohti gullá Davvi-Europa boarráseamos šuokŋamálliide. Dat lea seilon buolvvas bulvii máŋggaid duháhiid jagiid, ja luohti lea Beaivvi nieidda myhtalaš skeaŋkan sámiide gottiid dápmanreaidun. Musihkalaš gullevašvuođamearkan. Nammačálusin, skeaŋkan eatniniidii, áddjás áddjubii. Dievddus nissonolbmui. Muittašan-vuohkin. Roahkkatvuođa reaidun. Vearjun. Mot nuppiin leahkit  lahkalaga, vaikko son ii leat das.

2019 čájálmasa prográmma, mii máidnu ja muitala “buot” čájálmasa birra.

Juoiggas lea juoigankonseartačájálmas, čájálmassii leaba Rawdna Carita Eira ja Harald Gaski čállan teavsttaid ja Rolf Degerlund lea čájálmasa bagadalli.

Dáinna konseartačájálmasain áigu Sámi Našunálateáhter Beaivváš guorrat luohtehistorjjá ja doaimma áiggiid čađa. Beassat gullát go muhtin juoiggasta muhtima. Mot luohtedajahallan bekkii 1600 loguid loahpage-ahčen Eurohpás ja movttiidahtii diktačálliid doppe, mii juoigat luđiid áiggiid čađa juohke sajis Sámis – bivdomálliid 6000 jagi dás ovdal gitta otnážii.

  • Čállit: Rawdna Carita Eira ja Harald Gaski (maiddái Paulus Utsi dikta ja okta monologa Iŋgor Ántte Áilu Gaup bokte)
  • Bagadalli: Rolf Degerlund
  • Neavttárat ja Juoigit: Mary Sarre, Iŋgor Ántte Áilu Gaup, Nils Henrik Buljo, Egil Keskitalo
  • Musihkkalaš heiveheaddjit ja Čuojaheaddjit: Roger Ludvigsen, Svein Schultz, Jakop Janssønn
  • Koreográfa: Marte Fjellheim Sarre
  • Bivttashábmejeaddji ja Goarru: Ann Majbritt Eriksen
  • Čuovga ja Jietna: Olav Johan Eira, Sami Kultima
  • Plakáhttagovva: Per Heimly
  • Gráfalaš hábmejeaddji: Kerstin Andersson

Vuosttaščajalmas Seattle čakčamánu 2023. Lávdegiella lea davvisámegiella, tekstejuvvo dárogillii.

Videoseakti 2019

22.2.19 čájálmas loahpahuvvo, video, Guovdeageainnus

Preassagovat

Govvejeaddji Aslak Mikal Mienna, krediteren gáibiduvvo preassageavaheamis, eará geavaheamis gáibiduvvo maiddái lohpi teátheris.