Sámi Našunálateáhter Beaivváš loahpahii Juoiggas! Luohtečájálmasmátkkošteami ruovttus Guovdageainnus guvttiin čájálmasain. Ja mot jo maid muđui čájálmasmátkkis, de čájálmas geasuhii ja guoimmuhii maiddái Guovdageainnus.
Nils Henrik Buljo 
Áilloš 
Mary Sarre 
Roger Ludvigsen 
Egil Keskitalo 
Jakop Janssønn 
Svein Schultz
Sámi Našunálateáhter Beaivváš loahpahii Juoiggas! Luohtečájálmasmátkkošteami ruovttus Guovdageainnus guvttiin čájálmasain. Ja mot jo maid muđui čájálmasmátkkis, de čájálmas geasuhii ja guoimmuhii maiddái Guovdageainnus.
Teáhterhoavda Rolf Degerlund, guhte maiddái lei bivnnuhis juoigankonseartačájálmasa bagadalli, geigestii ja dán bokte giiti sin geat teáhtera ovddas lea viidát Sámis johtán čájálmasain, dán rájes go Oslos vulggii, ođđajagimanu gaskamuttus.
Neavttárat ja juoigit geat leat johtán Juoiggas! čájálmasain leat Nils Henrik Buljo, Mary Sarre, Iŋgor Ántte Áilu Gaup ja Egil Keskitalo, ovttas musihkkáriiguin Roger Ludvigsen, Jakop Janssønn ja Svein Schultz – Andreas Fliflet válddi Schultz saji Deanu čájálmasa rájes. Teknihkkarat leaba leamaš Olav Johan Eira ja Sami Kultima, mátkkejođiheaddji/inspisient fas Rawdna Carita Eira.
Dás logat eambbo dan birra mii lea leamaš.
Dá video mii čájeha dilálašvuođa dakka maŋŋel go maŋemus čájálmas lei čájehuvvon.