Skabmacuovggas_2013_Mama-Sara-School1Skábmačuovggas lea dán rádjai čoaggán badjel 60 000 ruvnno skuvlavisteprošektii ja lea dagahan ahte skuvlavisteprošeakta masai-servodaga Loliondo-guovllus Tanzanias  lea ovdánan.  Stuora giitámušat Beaivvážii, Dimitri Jovkui ja Kulturskuvlii go dorjot jahkásaččat, ja giitosat maiddái olbmuide geat leat dorjon sin, lohka Gunhild Berit Sara Buljo Mama Sara Education Foundation:s. Muhto, dán jagi gal eai leat fal dušše bileahttasisaboađut, muhto maiddái dienas dáiddavuovdimis addo veahkkebargguide – dá visttit mát leat ceagganan daid maŋemus jagiid, gos Skábmačuovggas ruhta lea leamaš guovddažis.

HIV/Aids prošeakta dáidda vuovdemassii

Masaiat dain guovlluin leat ráhkadan dáidagiid, go leat searvan HIV/AIDS prošektii maid Mama Sara searvi lea lágidan. Dán barggus leat dáiddár Marit Anne Sara leamaš njunnošis iežas máhtuin. Son lea maid leamaš galledeame masai-servodaga, lágidan kurssaid mas earret eará dat govat leat ráhkaduvvon. Buot 12 gova leat skabmacuovggas_2013_IMG_0259_HIV_Aidsvuovdimassii dáid guovtti beaivvis boahtte vahkku. Govaid sáhttá oaidnit dii 16:00 rájes daid beivviid go čájálmas čájehuvvo ja vuvdojuvvot maŋŋel nuppi čájálmasa. Dá govva mat čájeha namuhuvvon kursačađaheami Tanzanias, (ovdasiiddus Marit Anne Sara bagada, buot govaid sáhttá stuorit oaidnit jus deaddila gova).

BUOT ruhta manná bargui

Sara Buljo lea hui ilus go dát golbma searvvi maiddái dán jagi leat mearridan juolludit visot bileahttasisaboađuid dain guovtti čájálmasas mat leat juovlamánu 11. ja 12. b.. Ja buorre han lea maid go dáidda maid veahkehastá. Ruhtaveahkki dagaha ahte skuvlavisteprošeakta ovdána johtilit. Hui dehálaš leage namuhit ahte juohke áidna ruvdno manná njuolga skuvlavisti huksenbargguide, deattuha Sara Buljo. Skuvlavistti govat, mat čájehit man guhkas leat joavdán, leat oaidnimis organisašuvnna ruovttusiiddus, duo bajimusasa maid, mii čájeha nu mot lei dilli mannan mánu. Krediteren das lea «Mama Sara”.

Áilloš, Egil KeskitaloSkábmačuovggas

Dat golbma searvvi leat juo 2009 rájes addán visot bileahttasisaboađuset Skábmačuovggas čájálmasas skuvlaviste-huksenprošektii. Dat ruđat leat leamaš mielde ollašuhttán máŋga skuvlavisti, sihke luohkkálanjat, kantuvrrat ja oahpaheaddjiviesuid. Juste dál leat hukseme 2 ođđa visti. Skábmačuovggas lea daid jagiid mielde šaddan ovdabealjuovllaid vierrun olbmuide Guovdageainnus, Dimitri Joavku ja Kulturskuvlla mánáid- ja nuoraidkoara lávlot čáppa lávlagiid ja Beaivváš čájeha “Juovlamáinnas” (A Christmas Carol, C. Dickens). Dán jagi lea guđat gearddi dát ovdabealjuovllaid čájálmas lea lágiduvvon (vuosttaš geardde lei 2008:s). 2009 rájes leat visot bileahttasisaboađus mannan Mama Sara Education Foundation searvái. Dá gurutbealde diimmáš čájálmasas, mii čájeha neavttár guovttos Ailoža ja Egil Keskitalo “Juovlamáinnas” čájálmasas. Krediteren govas lea Mienna/Beaivváš.

Skábmačuovggas lágiduvvo gaskavahkku 11.12 ja duorastaga 12.12. dii 18:00.