«Leahkit» mearkkaša dán čájálmasas ahte “leahkit sajis”, rumašlaččat ja silolaččat ja vuoiŋŋalaččat, dilli mas dán áigahaš olbmot leat gáidamin eret go galgat háhppehit bargat ollu bargguid oktanaga. Hallgrim Hansegård ja Torgeir Vassvik leaba čiekŋudan iežaska gievvun dillái, iežaska árbevirolaš dánsumis ja musihkas – vierut mat leat jaskkodan dan sivas go dáruiduhttin ja risttalašvuohta leavai sadjái. “Leahkit” lea spiehkastat norgga álbmotdánsema ja luođi. Čájálmas guorahallá movt sáhttá mátkkoštit máŋggalágaš dilálašvuođaid bokte ja leahkit sajis. Lea FRIKAR joavkku čájálmas buvttaduvvon ovttas Beaivvážin ja Teater Innlandet.
Bistá: sullii 50 min Čájálmas mátkošta gaskkal 8.9.-28.9.2015. Dás oainnát gos dalle čájehuvvoi, ea. ea., davvi- ja lullisámegillii, ja dárogillii.
Árvvoštallan, čájálmas čájehuvvoi Duiskas, Rudolstadt festivalas, suoidnemánu 2015. Seamma árvvoštallan, jorgaluvvon dárogillii.
- Koreografiija/dánsu: Hallgrim Hansegård
- Musihkka/juoigan: Torgeir Vassvik
- Čuovgahábmen: Horst Muhlberger
- Jietna: Herman Kvelperud
Preassagovat
Govvejeaddji Pål Laukli, krediteren gáibiduvvo preassageavaheamis, eará geavaheamis gáibiduvvo maiddái lohpi teátheris.
