Inga Juuso, Annbjørg Lien, Steinar Raknes, Rasch – Lien Rasch Juuso Raknes

Annbjørg Lien lea fidjolčuojaheamis Norgga čeahpimusaid gaskkas, sus lea ge guhkes ja nanu duogáš. Dal lávkesta “sámi lávdái”, gos son vuohččan deaivvada nuppiin čehppiin na juoigamis, Inga Juuso:in. Erenoamáš, gelddolaš ja ođđa musikalalaš deaivvadeapmi lea dahpahuvvomis Guovdageainnu beassášdoaluid oktavuođas.

Loga eanet áššis

Annbjørg Lien lea iežas bálkašuvvon fidjolčuojahemiin leamašan vidat. Dal boahtá Guovdageidnui, dán jaga beassášmárkániidda ja de deaivvadage eará čehppiin, nammalassi Inga Juuso:in, gii lea čeahpimusaid gaskkas juoigamis. Guhkebearjadaga njukčamánu 6. B. besset geahččit vuohččan vásihit dán gelddolaš musikalalaš deaivvadeami, Guovdageainnu Beassášdoaluid oktavuođas. Goappašagat illudeaba dán deaivvadeapmái. Annbjørg Lien lea hui duhtavažžan deaivvadit Juuso:in ja daddja ge: “Inga Juuso lea stuora ja duohta dáiddár geainna duođai illudan ovttasbargat”. Muhto ii hal fidjolin leat nu váttis heivehit luohtái, nu ahte ii dát fal leat gal su stuorimus hástalus gal: “Norgga albmotmusihkka ja Sámi musihkka leaba go oabba ja vieljja”.

Dán musikalalaš deaivvadeapmái masa Beaivváš dal bovde, lea gávdnamis Thon Hotels Guovdageainnus. Muhto goappašagat ovdanbuktiiba iežaska sierranasa ovdal “meaštirit deaivvadeami”. Alggus čuojaheaba Annbjørg Lien ovttasa Bjørn Ole Raschin (gii lea Orbina joavkku čuojaheaddji). Soai čuojaheaba iežaska easka almmuhuvvon CDs “Come Home”, gos geavahuvvo duolbmunorgel, vokála ja fijuvla mas šaddá norgga ja riikkaidgaskasaš mállet álbmotmusihkka vásáhus. Dasto lea Kultur i Troms beakkán doalvvabuktaga Skáidi vuorru, mas Inga Juuso ja Steinar Raknes ovdanbuktiba luohte & bássa šuoŋaid Americana-vuogi mielde. Ođas dán guoktas lea ahte Raknes lea lávlume maid. Dát njealjis lávejit rasttildit musihka rájiid, ja dán beassat vásihit. Loahpas beassat vásihit go sii vuohččan besset spoahkkalit albma leahtuin mearihis luohte, fijuvla, duolbmunorgel ja bássa čuojaheami. Illudehpet! Dáhpáhus lea Thon Hoteallas Guovdageainnus guhkesbearjadaga cuoŋománu 6 beaivvi dii 22.00.

Konseartagovat

Govvejeaddji Aslak Mikal Mienna, krediteren gáibiduvvo preassageavaheamis, eará geavaheamis gáibiduvvo maiddái lohpi teátheris.