Diibmu viđas odne leat mii gearggus čájehit min ávvokonsearta “Jielemen aavoe” álbmogii, ja sávvat buohkaide bures boahtin konsertii. Norgga gonagasbárra maid leaba boahtime Olavshallenii. Ja dan geažil ferte bivdit buohkaid geat leat boahtime álgočájálmassii ahte lehtet siste maŋemusat diibmu 16.45.
Diibmu 20 čájehuvvo “Jielemen aavoe” nuppes, ja dan čájálmassii lea ain vejolaš oastit bileahta, ja gaskavahku guovvamánu 8. b. čájehuvvo “Jielemen aavoe” Båddådjos, Stormen konseartaviesus.
Lea maid vejolaš vásihit konseartta tv:s; NRK1as odne eahkes diibmu 21.30.