BabyOpera ovttasbarggus Sámi Našunálateáhter Beaivvážin čájeha MAGO – dánsunčájálmas mii heive mánáide 0 jagi rájes.
Mago cukca lea máilmmi sivdnideami máinnas Kwanbuk -guovllus otnáš Davvi-Koreas. Cuvccain muitaluvvo jiehtanas sturrosaš nissonipmila guhte namuhuvvo Mago Áhkkun. Mago lea son guhte eatnan alde ráhkada buot geologalaš hámiid stánžžis, báktešlájain ja iežas cissas ja baikkas. Máilmmi sivdnideami máidnasat leat áiggiid čađa leamaš vuohki dasa go mii galggašeimmet ipmirdit mot máilbmi ráhkaduvvui. Otnáš dilis leat iešguđetlágaš dieđalaš teoriijat dan birra, muhto liika mii imaštallat. Duiska fysihkar Max Planck navdo leahkit son guhte čálii kvantefysihkka teoriija birra ja celkkii: Diehtagiin ii sáhte čoavdit duohtavuođa ipmaša čuolmma luonddus. Dannego loahpaloahpas leat mii ieža oassin dan ipmašis maid mii geahččalit čoavdit. Seammasullasaš dása lea maiddái mot mánát sahkanit ja mot sii šaddet danin go sii leat. Mii diehtit lunddolaš dieđačilgehusain mot sahkkehus dáhpáhuvvá, mot dat árbbálašvuohta ja biras mearrida geanin mii šaddat. Almmatge eat ipmir – juohke áidna mánná lea imašlaš. Danne dárbbahit poesiija, govaid, musihka ja dánsa govahallat, niegadit dáid birra ja ávvudit ipmaša. Mii fertet neavttašit sivdnideami ipmaša!
- Bagadalli: Christina Lindgren
- Koreográfa ja dánsár: Hyun Kim
- Šuokŋadahkki ja Čuojaheaddji: Torgeir Vassvik
Čájálmas bistá su. 25 minuvtta / Forestillingen varer i ca. 25 minutter.
Na čálisteimmet ovtta ášši beaivvas.no siidui dán čájálmasa birra
27.11.18 Buot, buot unnimusaide
Čájálmas jođi na dalle go ovttasbarggái Beaivvážin
- Guovdageainnus LES-visttis / juovlamánu 8. b. – dii. 11:00
- Kárášjoga servodatviesus / juovlamánu 9. b. – dii 11:00
- Álttá Museas / juovlamáno 10. b. – dii. 11:00
- Halti – Ráissas / Juovlamánu 11. b. – dii 11:00
- Leavnnjas – FEFO-visttis / Juovlamánu 12. b. – dii. 11:00
- Guovdageainnus – Kulturviesu foajeas / Juovlamánu 13. b. – dii. 11:00
Čájálmasgovat
Govvejeaddji: Mago – Krediteren gáibiduvvo preassageavaheamis, eará geavaheamis gáibiduvvo maiddái lohpi teátheris.
