Bearjadaga golggotmánu 7. B. rájes gitta skábmamánu 16. B. rádjái čájehuvvo Sven Henriksena ođđačállon čájálmas Mávssaheapmi oalle viidát sámis. Vuolgga lea Guovdageainnus, loahppa čájálmasráiddus lea Oslo. Čájálmas finada 18 iešguđege báikkiin, Norggas, Suomas ja Ruoŧas, diein báikkiin čájehuvvojit 27 čájálmasa, eanas rabas, eahket čájálmasat muhto maiddái muhtin skuvlačájálmasa.
Bearjadaga golggotmánu 7. B. lea dát nu gohčoduvvon álgočájálmas Sven Henriksena ođđačállon čájálmasas, Mávssaheapmi (álgočájálmas gohčoduvvo čájálmas go čájehuvvo vuohččan obanassiige). Čájálmas čájehuvvo muhtin geardde Beaivváža ruovttubáikkis, Guovdageainnus, ovdalgo mátki vuosttaš čájálmas čájehuvvo Kárášjogas. Doppe čájehuvvo moddii, das maŋŋel manná mátki viidáseappot Davvi-Norggas, -Suomas ja –Ruoŧas, finada Norggabeale lullisámiid guovllus ovdal go de loahpahuvvo Oslos, guvttiin čájálmasain, skábmamánu 15. ja 16. B..
Oktiibuot čájehuvvo čájálmas 27 geardde, 18 iešguđege báikkiin. Unnit oassi leat skuvlačájálmasat, eanas oassi leat, 22 čájálmasa, “dábálaš” rabas eahketčájálmasa.
Bures boahtin čájálmassii, dás oainnát gos ja goas. Ja bileahta leat vuovdemassii dáppe.
Deaddil čujuhusa dás vuolábealde ja čiekŋut dasa mii dal mátkkošta duohko deike gitta skábmamánu gaskamuddui, dahje viežžal čájálmasa prográmmabláđi.