Ođđa bihttá lea dál šaddame – dán háve lea erenoamáš ovttasbargu gaskal Guatemala ja Sámi kulturbargit. Geassemanus gávnnadedje njealje maya- ja sámi čálli čállinbajis Guovdageainnus – bohtosiid beassat geahčat 2016:as.
Geassemanu 08.-10.b gávnnadedje čállit Sigbjørn Skåden (Sápmi), Veronica Salinas (Norga/Argentina), Rosa Chávez (Guatemala), Angel Canas “Kame” (Guatemala), neavttár Iŋgor Ánte Áilu Gaup (Sápmi), filbmadahkki Ken Are Bongo (Sápmi) ja bagadalli Jon Tombre (Norgga) čállinbajis Guovdageainnus. Čállinbaji ulbmil lei ovdánahttit ja vuođđudit ođđa maya/sámi teáhterčájálmasa maid HættaLopez Productions ovttas Beaivvážiin leat buvttadeame ovttasbarggus Grupo Sotz’ilain ja hiphop-joavkkuin Guatemaya Crewain Guatemalas eret. Álgočájálmas lea guovvamánnui 2016.
Muitaluvvo ahte čállinbadji lei sihke gelddolaš ja movttiidahti, ja ahte nanu teavsttat sihke maya- ja sámi álbmogis leat šaddame. Mii illudit joatkit dainna prošeavttain čavčča rájes!