Čájálmasa prográmmabláđđi, mii muitala ja čilge “buot” čájálmasa birra.
Diehtočálus 1. Diehtočálus 2 (maiddái čájálmasmátki)
“Mun lean duhát jagi” lea Giron Sámi Teáhtera, Beaivváš Sámi Našunálateáhtera, Dramaten, Norrbottensmusiken ja Norrlandsopera oktasašbargu Rock-Art in Sápmi prošeakta oktavuođas, mii lea oassin Upmi Eurohpalaš Kulturoaivegávpot 2014:s. Álgočájálmas lea Norrlandsoperas njukčamanu 5. beaivvi 2014, ja de álgá čájálmasmátki sihke Ruoŧa-, Suoma- ja Norgga bealde sámis.
“Báktegovvosat čullojuvvon máŋggaid duháhiid jagiid áigge. 900 jagi arábialaš mintta davvisámi bálvvosbáikkis. Okta sámenieida dagaha leahtu kristtalaš miššuvdnabargui davvin, ja sámi báhpabárdni gii ádelastto ja hehtte muhtin namuhuvvon noiddiid boldojuvvot dolas.
“Jag är tusen år/Mun lean duhát jagi” lea gelddolaš musihkalaš mátki áiggiid čađa mii govvida movt sámi historjá čadno oktii ruoŧa historjjáin, ja mii duođai dáhpáhuvai go máŋggaid čuohtejagiid verddevuohta vajálduvvui, dan sivas go ruvkedoaimma – industriija leavai Sápmái. Čájálmasas muitaluvvo sámi kultuvrra ja stuoraservvodaga iešguđetlágan dáhpáhusat gološ áiggi rájes otnážii, ja gaskkohagaid musihkain čanastumiid áiggiid mielde.
“Jag är tusen år/Mun lean duhát jagi” govvida Sámi álbmoga árbevirolaš historjjá ja jurddašanvuogi, dan seammás go čájeha ođđa buolvva jurddašanvuogi. Historjá muitaluvvo luđiiguin, lávlagiiguin, musihkain, dánsemiin ja neaktimiin.
Čájálmas lea ruoŧa- ja sámegillii (davvi ja lullisámegillii), lea tekstejuvvon. Heive nuoraide ja rávisolbmuide. Bistá sullii 2 diimmu oktan bottuin. Álgočájálmas Norrlandsoperas Upmis njukčamanu 5. beaivvi 2014
Govvejeaddji Hans Olof Utsi, krediteren gáibiduvvo preassageavaheamis, eará geavaheamis gáibiduvvo maiddái lohpi teátheris.