Foto/Govven: Kristin Aafløy Opdan
Inga Juuso, Veronica Salinas, Per Watle. Foto/Govven: Kristin Aafløy Opdan

“Mu Ruoktu lea mu váimmus” čájálmas sisdoallá hástalusaid mat olbmuin leat máŋgga báikkis, indiána ja sámi perspektiivas. Dán áigge lea lassánan ipmárdus máilmmi álgoálbmogiid birra, ja makkár árvu lea dološáigásaš kultuvrrain mat leat luonddus birgen.

Čájálmas lea poehtalaš čájálmas luonddu birra ja mot leahkit olmmožin ja identitehta birra. Dát celkojuvvo muitalusaiguin, argentinalaš musihkain, luđiiguin ja divttaiguin. Veronica Salinas lea čállán teavsttaid  ja lassiteavsttat leat Nils Aslak Valkeapää (Áillohačča, gii vuittii Davviriikkaid ráđi litteratuvrra bálkkašumi 1991:s) ja Inga Juuso (2011 Spellemannbálkášumi vuoiti).

Buvttadus lea ovttasbargu Beaivváš Sámi Našunálateáhterin, Riksteaterin, Kultur i Troms ja Veronica Salinas. Golmmas leat lávddi alde: Inga Juuso (juoigi ja neavttár, Kultur i Troms), Veronica Salinas (neavttár) ja Per Einar Watle (čuojaheaddji) (maiddái Asmund Reistad lea leamaš čuojaheaddji). Haukur J. Gunnarsson (Beaivváš) lea bagadallin, Tine Thomassen (Riksteatret) lea dramaturga ja Berit Marit Hætta lea bivttashábmejeaddji.

Mihttojoavku: Nuorat ja rávisolbmot. Bistá  su 45 min. Giella: Dárogiella ja sámegiella. Vuosttaščájálmas: Guovvamánnu 25.b. 2012 Beaivváš Sámi Našunálateáhteris Guovdageainnus.

Diehtobláđđi 1 (Áltá čájálmasa oktavuođas)

Diehtobláđđi 2 (Nepal čájálmasa oktavuođas, skábmamánu 2012)

Čájálmasmátki 2012

Preassagovat

Govvejeaddji Kristin Aafløy Opdan, krediteren gáibiduvvo geavaheamis.