foto: Aslak Mikal Mienna
Anitta Suikkari. Govven/foto Aslak Mikal Mienna

Almmi ja eatnama dronnet

Sáhttá go badjel 5 000 jagi boares teaksta muitalit midjiide maidege otne? Ovttain máilmmi boarráseamos čállosiin maid mii diehtit – kile- čállosiin Sumeras – 3000 jagi ovdal min áiggi – loaiddasta Inanna ovdan – son lea almmi ja eatnama dronnet. Son lea nissonipmil gii buktá buolli ráhkisvuođa ja árpmuhis duššadeami máilbmái. Myhta čájeha nuorra nissonolbmo máŧki rávásmuvvama- ja viisodaga guvlui, su dásseárvosaš rahčamušaide ja amasvuođa ohcamušaide. Dat čájeha maiddái luonddu ja sivilisašuvnna bávkkeheami ja – duššadeapmi mii šaddá dan sivas go dássi rievdá. Dát lea ráhkisvuođa máinnas, jierbmivuođa ja dássádaga áibbašeapmi, ja soaitá maid máilmmi historjá áiggiid čađa. Dát lea historjá ovdal Biibbala ja Koranena ja maiddái myhta mii lea leamaš ovdal min oarjemáilmmi sivilisašuvnna vuođđudeami. Lávdeteaksta/monologa lea čállon Sumera kile- čállosiid vuođul, maid Anitta Suikkari ja Rawdna Carita Eira leaba dramatiseren, ja maid Britt Inga Vars lea jorgalan sámegillii. Bagadalli lea Haukur J. Gunnarsson, ja Anitta Suikkari ovdanbuktá monologa.

  • Giehtačálus: Rawdna Carita Eira ja Anitta Suikkari
  • Bagadalli: Haukur J. Gunnarsson
  • Neavttár: Anitta Suikkari
  • Sámás: Britt Inga Vars
  • Musihkka: Inga Juuso ja Steinar Raknes
  • Bivttashábmen: Berit Marit Hætta
  • Lávdehábmen: Hilde Skancke Pedersen
  • Čuovgahábmen: Bernt Morten Bongo

Prográmmabláđđi 1 (sámi- ja dárogillii)
Prográmmabláđđi 2 (sámi- ja eŋgelasgillii)

Čájálmas lea čájehuvvon sihke Dehlis, Indias ja Bangladeshas, ja nu maid Guatemalas. Čájálmas bistá sullii 75 min. Lea tekstejuvvon dárogillii. Vuosttaščájálmas 14.6.2014, Áltá.

20.06.2014 5 000 jagi boares teaksta bođii lávdái
26.11.2015 Searvá teáhterfestiválas Bangladeshas

Preassagovat

Govvejeaddji Aslak Mikal Mienna, krediteren ja lobi ožžon gáibiduvvo geavaheamis.