Máŋggagielat čájálmas jáhkkemeahttun ja duohta muitalusaid vuođul Norgga, Suoma ja Ruošša rádjeguovlluin, čájehuvvo dál Romssas.

Bernt Bjørn, Mary Sarre, Marte Fjellheim Sarre, Ivar Beddari, Ekaterina Bespalova (govvejeaddji Jamie M. Bivard)

Muohtadivggažat čájálmas mii ovdalaš lea čájehuvvon Davvi-Norgga riemuin dá mannan geasi, čájehuvvo dal Romssas golbmii, skábmamánu 11., 12. ja 13. b. Dáppe leat bileahtat gávdnamis.

2015:s oidnoje govat Stuoravuovddi rádjestašuvnna sihkkelgubas miehta máilmmi. “Muohtadivggažat” čálli Rawdna Carita Eira čuovvu ovtta dain sihkkela historjjá. Skealmmas Sasha addá sihkkela skeaŋkan áddjubii Annai. Sudno bokte besset geahččit vásihit jáhkkemeahttun, muhto duohta dáhpáhusaid riikkas mii okte gohčoduvvui Nuortalašriikan.

Čájálmasa lávdegielat leat sámegiella, dárogiella, ruoššagiella, suomagiella ja eaŋgalasgiella, mat leat neavttáriid eatnigielat, ja mat gođđojuvvojit oktii juoigamin ja lávlumin.

iHarstad árvvoštalli čálii ea ea ná maŋŋel álgočájálmasa Davvi-Norgga riemuin Háršttain mannan geasi: «Ferske Scener joavkkus lea sin iežas earenoamášvuohta, maid mii beassat oaidnit dán buvttadusas.  Sii nagodit dahkat čanastaga gaskkal lávddi ja sála, mii šaddá hui lunddolažžan, muhto mii fáhkkestaga fas rievddiha leaikkastallamis áddehahtti  servvodatcuiggodeapmin.» (iHarstad)

Dáppe eanet dieđut čájálmasa birra

Marte Fjellheim Sarre, Mary Sarre, Ekaterina Bespalova, Bernt Bjørn, Ivar Beddari (govvejeaddji Jamie M. Bivard)