Máŋggagielat čájálmas jahketmeahttun ja duohta muitalusaid vuođul Norgga, Suoma ja Ruošša rádjeguovlluin. Ruošša rádji rahpojuvvui moatti mánnui ja sihke norgalaččat ja suopmelaččat bohte valvin suohtastallat. Poehta ja dramačálli Rašdna Carita Eira lea čállán teavstta, ja bagadalli Kristin Bjørn lea lasihan muhtin teakstaoasážiid. Čájálmasas leat muitalusat báhtareami ja ruovttueatnamiid birra ja maiddái máimmi čiekŋaleamos ráiggi birra. Lávdegielat leat sámegiella, dárogiella, ruoššagiella, suomagiella ja eaŋgalasgiella, mat leat neavttáriid eatnigielat.
Anna sihkkel ja su áddjá Sasha, guhte lea hui skealbma, muhto maiddái birgejeaddji, dolvvoda gehččiid dakkár dáhpáhusaid čađa; go nuortalaččaid duvde eret sin eatnamiin, kruvdnoprinseassa Martha báhtareapmi USA’ii 1940’s, Alexander Rybak’a Grand Prix vuoitu 2009’s – ja deaivvadeapmi bađariiguin Stuorravuovddis 2015, syralaš nieidda Haya Ja su áhči bokte
- Čálli: Rawdna Carita Eira ovttas Kristin Bjørn.
- Bagadalli ja dramaturgiija: Kristin Bjørn.
- Lávddis: Marte Fjellheim Sarre, Bernt Bjørn, Ekaterina Bespalova, Mary Sarre, Ivar Beddari.
- Jietnahábmen: Gaute Barlindhaug
- Latnja ja biktasat: Ingvill Fossheim
- Čuovgahábmen: Tor S. Ditlevsen
- Váldoovttasbargii: Det samiske nasjonalteatret Beaivváš.
- Ovttasbargit: Hålogaland Teater ja Festspillene i Nord- Norge.
iHarstad árvvoštalli čálii ea ea ná maŋŋel álgočájálmasa Davvi-Norgga riemuin Háršttain mannan geasi: «Ferske Scener joavkkus lea sin iežas earenoamášvuohta, maid mii beassat oaidnit dán buvttadusas. Sii nagodit dahkat čanastaga gaskkal lávddi ja sála, mii šaddá hui lunddolažžan, muhto mii fáhkkestaga fas rievddiha leaikkastallamis áddehahtti servvodatcuiggodeapmin.» (iHarstad)
Álgočájálmas: 23.06.2021, FINN Hárštták.
Ferske Scener siidduin leat eanet dieđut ja čájálmasgovat gávdnamis.
Lávdegiella: Dárogiella. Ja sámegiella, ruoššagiella, eŋgelasgiella ja suomagiella.
Ovttasbargubuvttadus Ferske Scener teáhterkompaniijain. Ruhtadeaddjit: Norsk kulturfond, Barentskult, Sámediggi, Ferske Scener, Romssa gielda v/Rådstua Teaterhus, Romssa- ja Finnmárkku fylkagielda.
Áššit čállon beaivvas.no čájálmasa birra
07.05.2021 Beaivváš Davvi-Norgga feastaspealuin
03.11.2021 Muohtadivggažat čájehuvvo Romssas
07.04.2022 Beaivváža teáhterbeassážat
Čájálmasgovat
Govvejeaddji Ingun A. Mæhlum, krediteren gáibiduvvo preassageavaheamis, eará geavaheamis gáibiduvvo maiddái lohpi teátheris (Ferske scener).
