Teáhter lea dal rádjan eret bearaščájálmasa Muohtaoabbá. Lihkostuvvoi bures, muhto čájálmasmátkkeloahpa šattai buozalmasvuođa sivas “nie ja na”, máŋga čájálmasa šluhttejuvvo.

Muohtaoabbá/Snøsøsteren
Kristian Tapio, Ellinor Skartland, Muohtaoabbá. Govven, foto Aslak Mikal Mienna

Dal de gearggai teáhter johtimis, ja na maid čájeheames Muohtaoabbá čájálmasa. Dát bearaščájálmas álggii Romssas, ja lea das maŋŋel johttán davvin Sámis, sihke norgga-, suoma- ja ruoŧabeale.  Romssas čájehuvvui vuosttaščájálmas Hålogaland teáhtera visttis, doppe čájehuvvui čájálmas golbmii.

Loahpageahčen čájálmasmátkkis deaivvai golgodávda neavttárjoavkku, boađus dás lei ahte golbma čájálmasa šluhttejuvvo. Dán sivas ii čájehuvvon čájálmas Girkonjárggas, Vuonnabađas ja Deanus, ja go de ollii ruoktot Guovdageidnui, de nagodedje neavttárat čađahit dáid guokte plánejuvvon čájálmas, ii fal juste mot plánejuvvon guovtti beaivvis, muhto goappašagaid seamma beaivvi, go de ledje sii geat ledje buohcan lihkos beassan badjel vearrámusa buozalmasvuođas.  

Čájálmas čájehuvvui gaskkal 17.11.-10.12.2022.

Dáppe leat čohkkejuvvon dieđut čájálmasa birra, čájálmas mii lei.

Muohtaoabbá/Snøsøsteren
Kristian Tapio, Ánne Mággá Wigelius, Nils Henrik Buljo, Elin Oskal, Muohtaoabbá. Govven, foto Aslak Mikal Mienna