Bearaščájálmas Muohtaoabbá lihkostuvai bures vuosttaščájálmas-vahkkoloahpain mii lei Romssas. Buot sajit buot golmma čájálmasaide ledje vuvdon. Dal de johttágoahtá čájálmas ja galgáge de na fitnat vel guoktenuppelogi eará báikkiiguin, vuosttaš lea Olmmáivággi.
Beaivváš teáhtera bearaščájálmas Muohtaoabbá lihkostuvai hui bures vuosttaščájálmas-vahkkoloahpain mii lei Romssas dal. Teáhter lei oktan vuosttaščájálmasain doppe bidjan oktiibuot golbma čájálmasa ovdagihtii vuovdemassii, ja buot golbma ledje buori áiggis dievván. Čájálmasat čájehuvvoje Hålogaland teáhtera čájálmasvistis.
Dal go čájálmas lea geargan Romssas, de álgá čájálmasmátkki, bussiin mii dás vuolabeale oidno govas. Čájálmas galgá dal johttit golbma vahkku, dain golmma vahkkus galgá čájálmas čájehuvvot guoktenuppelogi iešguđet báikkiin, sihke norgga, ruoŧa ja suoma bealde. Vuosttaš báiki lea Olmmáivággi mánnodaga skábmamánu 21. B.. Maŋemus báiki lea Guovdageaidnu, juovlamánu 10. B..
Dá dieđut čájálmasa birra, dá bileahttavuovdin ja dás vuolabeale lea čájálmasmátki ollislaččat.
| Beaivi/dag | Gos/hvor | Čájálmasvisti/spillerom | Dii/kl. |
|---|---|---|---|
| 17.11.22 | ROMSA/Tromsø generalprøve | Scene Øst HT | 1730 |
| 18.11.22 | ROMSA/Tromsø vuottaščájálmas/premiere | Scene Øst HT | 1730 |
| 19.11.22 | ROMSA/Tromsø | Scene Øst HT | 1700 |
| 21.11.22 | OLMMÁIVÁGGI/Manndalen | DÁG Senter for nordlige folk | 1800 |
| 22.11.22 | BEARDOGORŽI/Bardufoss | Istindportalen | 1800 |
| 23.11.22 | SKÁNIK/Evenskjer | Skånlandhallen | 1800 |
| 25.11.22 | JOHKAMOHKI/Johkamohki | Folkets hus | 1800 |
| 29.11.22 | LEAVDNJA/Lakselv | Kultursalen | 1800 |
| 30.11.22 | KÁRÁŠJOHKA | Niitohárji | 1800 |
| 01.12.22 | SIRBMÁ | Sirbmá gilivisti/grendehus | 1800 |
| 02.12.22 | ANÁR | Sajos | 1800* |
| 05.12.22 | GIRKONJÁRGA/Kirkenes | Samovar | ŠLUHTTEJUVVON/AVLYST |
| 06.12.22 | VUONNABAHTA/Varangerbotn | Samfunnshus | ŠLUHTTEJUVVON/AVLYST |
| 07.12.22 | DEATNU/Tana | Birasvisti/Miljøbygg | ŠLUHTTEJUVVON/AVLYST |
| 10.12.22 (flyttet fra 9.12.) | GUOVDAGEAIDNU | Kulturviessu | 1500! |
| 10.12.22 | GUOVDAGEAIDNU | Kulturviessu | 1800 |