Norgga árvvoštalliidsearvi, teáhter, musihkka ja dánsun ossodat, lea dal nammadan Beaivváš Sámi Našunálateáhtera ja teáhterčájálmasa Vidas Extremas 2015-2016 árvvoštalliid bálkkašupmái.
Norgga árvvoštalliidsearvi, teáhter, musihkka ja dánsun ossodat, lea dal nammadan Beaivváš Sámi Našunálateáhtera ja teáhterčájálmasa Vidas Extremas 2015-2016 árvvoštalliid bálkkašupmái (govva das gurut bealde, Vidas Extremas čájálmasas).
Sámi Našunálateáhtera teáhterhoavda Rolf Degerlund illudii stuorrát go oaččui ođđasa: Stuora rámiin dustet nammadeami, dát mearkkaša hui olu iežamet iešdovdui ja muitala ahte mii buvttadit alla dasset teáhtera, ja ahte mii leat dehálaš oassi sámi ja gaskariikkalaš teáhterbirrasis. Sihke Sámi Našunálateáhter ja min ovttasbuvttadeaddji Vidas Extremas buvttadusas Hætta Productions, duođai illudit dal. Giitu!
Det er ikke sinte anklager mot imperialisme, undertrykkelse og diktatur
Dáinna čilgehusain lea našunálateáhter nammaduvvon árvvoštalliid bealis, bálkkašupmái mii geigejuvvon Litteraturhuset:is Oslos duorastaga čakčamánu 29. B.:
Vidas Extremas lea mielastumi rituála osiid segohus teáhterlávddis. Soabalaččat oktiibidjan eami- ja dán áigásaš ságastallan, lávlon ja čállojuvvon deavsttaiguin. Dearvvaš rumašlaš ovdanbuktin, jietnageavaheapmi – ja gorutlihkadusat mat gul ledje vižžojuvvon bihtá oasseváldiid nana kultuvrrain. Bagadalli Jon Tombre lea ovttas lávdehábmejeddjiin Even Børsumin ja čuovgahábmejeddjiin Bernt Morten Bongoin lahkanaddan dan fátta rabas dolgesuorbmagežiiguin. Bihtás eai leat bahás imperialisma sivahallamušat, badjelgeahččanvuohta ja diktatuvra mii lea guovddážis, muhto baicca muhtin lágaš oktiigeassun: Geat bat mii leat, gos leat vuolgán, movt lea otnáš dilli? Jávkkaduvvon olbmuid historjá ja morraša dárkkisteapmi, daiguin váikkuhangaskaomiiguin mat leat olámuttos.
Guokte earát lea maid nammaduvvon, leat Pia Maria Roll čájálmasas Nå løper vi, ovttasbarggus Brageteatert:in ja Teater Ibsen:in Skien:is, ja de goalmmát lea Laurent Chétouane bagadallamis Den Stundesløse, Nationaltheatret:is).
Čujuhusat:
