Nissondeaivvadeapmi čájálmas čájehuvvui vuohččan 25.1.2019, čájálmas maid geahččit liikoje.

Govven/foto: Aslak Mikal Mienna, premieren
Mette Brantzeg, Ánne Mággá Wigelius, Sven Henriksen, Sarakka Gaup, Anja Saiva Bongo Bjørnstad

Nissondeaivvadeapmi čájálmas čájehuvvui vuosttaš geardde ođđajagimánu 25. B. 2019, Guovdageainnus. Čájálmas lihkkostuvvui bures, sihke čájálmasa bagadalli Mette Brantzeg ja čálli Sven Henriksen leigga Guovdageainnu kulturviesus gos álgočájálmas lei, soai leigga goappašagat hui duhtavaččat mot čájálmasa golbma neavttára, Ánne Mággá Wigelius, Sarakka Gaup ja Anja Saiva Bongo Bjørnstad, nákcejedje neaktit, oadjebasat ja jáhkehahtti ja bures. Dás govas bajábealde, dakka maŋŋel go čájálmas lei čájehuvvon. Vuolabeale dán fas govva mii čájeha sin geat leat duohtandahkan čájálmasa, sihke bargit, hábmejeaddjit ja muđui ge.

Dás eanet dieđut čájálmasa birra, čájálmas mii čájehuvvo moddii vel Guovdageainnus ovdal go johttágoahtá viiddis čájálmasmátki miehtá sámi.

Govven/foto: Aslak Mikal Mienna, premieren
Nissondeaivvadeapmi, “alle” involverte, “buohkat” čájálmasa bargit, hábmejeaddjit ja neavttárat