Sarakka Gaup, Terje Andre Wollmann, Anne Berit Anti ja Ole Henrik Lifjell, mii čatná dan njealljása oktii? Sii leat “Sápmi muitala” čállingilvvu vuoitit.
Anne Berit Anti
Čállán bihtá “Gavdnjejuvvon/Jaget”. Riegadan 1974, hábmejeaddji/bivttashábmjeaddji/journalista…
Ole Henrik Lifjell
Čállán bihtá “Jakseme mieresne/Olámuttos/Innen rekkevidde”. Riegadan…
Terje Andre Wollmann
Čállán bihtá “Byttingen”. Riegadan 1981, govvasárggusráidodahkki,…
Sarakka Gaup
Čállán bihtá “Sámi bucketlistu”. Riegadan 1991,…
Sarakka Gaup, Terje Andre Wollmann, Anne Berit Anti ja Ole Henrik Lifjell leat “Sápmi muitala” čállingilvvuprošeavtta vuoitit maid Beaivváš ja Dramtikkens hus lágideaba. Ja lávvordaga golggotmánu 15. deaivvadit njealljása, ovttas prošeavtta guovddáš olbmuiguin almmolašvuođain, dát dáhpáhuvvo Oslo, Dramatikkens hus dii. 11.00.
Sámi Našunálateáhter Beaivváš ja Dramatikkens hus almmuhii “Sápmi muitala” čállingilvvu dainna ulbmilin ahte oažžut eambbo sámi lávdeteavsttaid . Njealjis dain oktiibuot njealjenuppelogis geat serve gilvvus, válljejuvvojit ráhkadit ja gárvet lávdečállosiid. Jurys leat leamaš Line Rosvoll ja Morten Cranner, Dramatikkens hus, ja Marte Fjellheim Sarre, Nils Henrik Buljo ja prošeaktajođiheaddji Mette Brantzeg Sámi Našunálateáhter Beaivvážis ja sii galge válljet Sámi váibmoguovdilis teavsttaid, ja main lea kvalitehta ja potensiála šaddat gárvves giehtačálusin.
Čiegus árvvoštallama bokte, válljejuvvoje čuovvovaš teavsttat: «Sámi bucketlistu», «Gavdnjejuvvon/Jaget», «Jakseme mieresne/ Innen rekkevidde» ja «Byttingen».
“Dain prošeavttain lea muitalus nuorra olbmo guhte lea ohcame iežas sámi identitehta, eahpedáhtolaš mánáhisvuohta, iešbirgejumi ja buori eallima ohcaleapmi ja movt leahkit homofiilan badjedilis. Daid teavsttaid earenoamášvuohta lea go nagodit gulahallat ja hásttuhit guovddášárvvuid sámis. Jury vuođuštus lea ahte “dát teavsttat geahččalit fátmmastit áššiid maid dáláš áiggi olbmot dáppe sámis jurddašit”. Jury deattuha maiddái ahte dát njealje kandidáhta dustet, ja sis lea taleanta gaskkustit dan. Dát njealje vuoiti ožžot 20 000 ruvnno, nuvttá bagadallama ja njealje vahkkoloahpa kurssa. Ulbmilin lea fállat fágalaš joavkku veahkkin sidjiide vai gárvvistivčče iežaset teavsttaid.