Ikte mánnodaga 15.6.2020 válljii teáhtera váldočoahkkimisttis ođđa stivrra teáhterii ja seammás maid ođđa jođiheaddji, Maria Utsi, áigodahkii 2020-2024.
Teáhtera njuolggadusaid § 6 mearrádusa mielde galget stivrras leahkit čieža miellahtu, ja sin penšuvnnalaš várrelahtut, mas Sámediggi nammada njeallje miellahtu – ja okta sis galgá stivrra jođiheaddjin. Guovdageainnu suohkan nammada ovtta miellahtu, ja okta miellahttu nammaduvvo vurrolaga Norgga Sámiid Riikasearvvis (NSR) ja Sámi Eatnansearvvis (SLF).
Teáhtera bargit nammadit ovtta áirasa iežaset fásta bargiin. Nubbinjođiheaddji válljejuvvo konstituerejuvvon stivračoahkkimis.
Miellahtuid áigodat stivrras lea njeallje jagi, ja guhkimusat gávcci jagi stivralahttun.
Dán áigodagas lea Norgga Sámiid Riikasearvvis stivralahtu ja Sámiid Eatnansearvvis lea várrelahtu sadji stivrras.
Sámediggeráđđi lei nammadan Maria Utsi stivrajođiheaddjin teáhterii, ja váldočoahkkin čuovvulii nammadeami. Ovddeš jođiheaddji lea leamaš Lene Hansen, son doalzi jođiheaddjiámmáha 8 jagi (guokte áigodaga).
Dá ovddeš stivrajođiheaddji Lene Hansen dalle go Skoavdnji 2015 veršuvnnas lei vuosttaščájálmas, ovttas oasi dáiddalaš jođihanjoavkkus, Bård Lie Thorbjørnsen, Haukur J. Gunnarsson, Øystein Heitmann, Frode Fjellheim