Teáhtera eaiggádat, Sámediggi, Norgga Sámiid Riikasearvi, Sámi Eatnansearvi ja Guovdageainnu suohkan, čoahkkanedje ikte (15.6.2020) ja de válljeje ođđa stivrra ja ođđa stivrrajođiheaddji.

Ikte mánnodaga 15.6.2020 válljii teáhtera váldočoahkkimisttis ođđa stivrra teáhterii ja seammás maid ođđa jođiheaddji, Maria Utsi, áigodahkii 2020-2024.

Teáhtera njuolggadusaid § 6 mearrádusa mielde galget stivrras leahkit čieža miellahtu, ja sin penšuvnnalaš várrelahtut,  mas Sámediggi nammada njeallje miellahtu – ja okta sis galgá stivrra jođiheaddjin. Guovdageainnu suohkan nammada ovtta miellahtu,  ja okta miellahttu nammaduvvo vurrolaga Norgga Sámiid Riikasearvvis (NSR) ja Sámi Eatnansearvvis (SLF).
Teáhtera bargit nammadit ovtta áirasa iežaset fásta bargiin. Nubbinjođiheaddji válljejuvvo konstituerejuvvon stivračoahkkimis.
Miellahtuid áigodat stivrras lea njeallje jagi, ja guhkimusat gávcci jagi stivralahttun.

Dán áigodagas lea Norgga Sámiid Riikasearvvis stivralahtu ja Sámiid Eatnansearvvis lea várrelahtu sadji stivrras.

Ođđa stivrajođiheaddji Maria Utsi

Sámediggeráđđi lei nammadan Maria Utsi stivrajođiheaddjin teáhterii, ja váldočoahkkin čuovvulii nammadeami. Ovddeš jođiheaddji lea leamaš Lene Hansen, son doalzi jođiheaddjiámmáha 8 jagi (guokte áigodaga).

Teáhtera ođđa stivra 2020-2024

  • Maria Utsi (jođiheaddji, su sadjásaš lea Máret Anne  Sara – (Sámediggi)
  • Asta Balto, su sadjásaš lea Ken Are Bongo – (Sámediggi)
  • Inger Elin Utsi, su sadjásaš lea Ada Einmo Jurgensen – (Sámediggi)
  • Gisle Stenersen, su sadjásaš lea Ole Henrik Bjørkmo Lifjell – (Sámediggi)
  • Ellen Inga O. Hætta, su sadjásaš lea Isak Henrik N. Eira – (Guovdageainnu suohkan)
  • Áslat Holmberg (NSR), su sadjásaš lea Stein Are Olsen (SLF)
  • Brita Triumf, su sadjásaš lea Mary Sarre (Sám našunálateáhter Beaivváš)
Govven/Foto: Aslak Mikal Mienna

Dá ovddeš stivrajođiheaddji Lene Hansen dalle go Skoavdnji 2015 veršuvnnas lei vuosttaščájálmas, ovttas oasi dáiddalaš jođihanjoavkkus, Bård Lie Thorbjørnsen, Haukur J. Gunnarsson, Øystein Heitmann, Frode Fjellheim