Mii ohcat guokte dánsejeaddji «Ol-Tomså» čájálmassii. Áigemearri lea borgemánu 14. beaivvi.
OPEN CALL for dancers – Video-audition.
Mii ohcat 2 dánsejeaddji «Ol-Tomså» čájálmassii. Áigemearri lea borgemánu 14.. Mii ávžžuhit dánsejeddjiid sáddet midjiide selftape (3-5min) ja CV:a – koreográfii marte.fjellheim@sarre.no. Hárjehallamat ja čájálmasat čađahuvvojit 2023:a giđa, vahkuid 16 – 22. Čájálmas lea ovttasbargoprošeakta gaskkal Sámi Našunálateáhtera Beaivváš, Davvi – Senter for scenekunst ja Árktalaš Filharmoniija.
“Ol-Tomså” birra
Čájálmas lea historjjálaš olbmo birra, namalassii sámi guovžabivdi Olof Elias Tomasson (Ol-Tomså) birra, guhte lei eret Lulli Helgelánddas. Muitalusa rámma leat oasit Ol Tomså eallimis, ja guovddážis lea su deaivvadeapmi guovžžain masa measta ieš gottahallá. Muitalusa bokte besset geahččit deaivvadit sámi nissonipmiliiguin Juksáhkáin, Sáráhkáin ja Uksáhkáin, ja guovžžain mii lea bassi ealli. Šuokŋadahkki lea Frode Fjellheim, teavstta lea Rawdna Carita Eira čállán, bagadalli lea Rolf Degerlund ja Marte Fjellheim Sarre lea čájálmasa koreográfa.