Illustrasjon: Didrik Magnus-Andresen

Teáhterkonsearta lea Lulli-Helgelándda guovžžabivdi Olof Elias Tomasson birra. Son riegádii Brønnøyas 1814 ja jámii 20.03.1895. Su áhčči, Stuora-Tomas lei rikkis sápmelaš. Ol-Tomså lei dušše 17 jahkásaš go vuohččan bážii guovžža, ja šattai dan maŋŋel beakkán guovžabivdin. Lea muitaluvvon ahte Ol-Tomså doarui guovžžain goit njeallje gearddi, ja guovtte geardde lea bahuid roasmmehuvvan. Go searalaččat ja duostilvuođain gottii eambbo go 109 guovžža, de attii gonagas Oscar II gollemedállja sutnje. Son náitalii guovtte gearddi, sus ledje guhtta máná – muhto buohkat jápme mánnán, danne eai leat sus maŋisboahttit. Go son jámii 1895’s de ii lean šat miellahttun stádagirkus. Bihtás leat oasážat Ol Tomså eallimis, muhto eanemusat dan guovžžabivdimis gos son meastta jámii. Dán čájálmasas oahpásnuvvet geahččit vuđolaččat sámi jáhkuide; nugo golbma nissonipmilii Juksáhkkái, Sáráhkkái ja Uksáhkkái, guovžžabivdui ja guovža bassi eallin. Dás muitaluvvo oppamáilmmálaš fáttáid nugo eallima ja jápmima dilálašvuođat sámi árbevieruin, ja dilálašvuođat olbmuid, luonddu ja osku ja eahpádusa.

  • Ovttasbargu/I samarbeid med: Arktisk filharmoni & Davvi-Senter for scenekunst
  • Čálli/Av: Rawdna Carita Eira
  • Šuokŋadahkki/Komponist: Frode Fjellheim
  • Bagadalli/Instruktør: Rolf Degerlund
  • Koreograf/Koreográfa: Marte Fjellheim Sarre
  • Álgočájálmas/Urpremiere:  06.05.23 Båddodjo Bodø